نبرتها الحاده و عيونها الغاضبه جعلته يأخذ خطوه للوراء متوجسا فهتف محاولا امتصاص غضبها قليلا
# مكانش قصدى اتكلم انجليزى، الكلام خرج منى تلقائى
حركت راسها باستخفاف لحديثه و كأنها لا تصدقه فهدرت به توبخه
# حتى لو…..انت مش شايف الناس بتبص علينا ازاى؟
اجابها بهدوء جاهد ليتمالكه
# و فيها ايه؟ انا مش شايف انى قلت حاجه غلط
صرخت به بعنف و قسوه
# كلك غلط…..و معرفتى بيك غلط و العلاقه اللى بينا اى ما كان نوعها غلط، حتى طلبك ليا للجواز غلط
احتدت تعابيره فعقد حاجبيه بجديه و امسك قبضتيه يعتصرهما معا يحاول ان يلجم غضبه فخرجت منه الكلمات بعفويه بلهجته الصعيديه و التى تخرج وقت غضبه دون ادارك منه
# ايه الغلط فى انى اطلبك للچواز؟ و لا هو الواحد لازمن يلف و يدور على الواحده منيكم الاول و يا عالم عاد عيكون ناوى على ايه؟
ابتسمت بسخريه تهتف باستخفاف
# و المفروض انى اوافق و انت اصلا لا اتبعت الاصول و لا ظروفك مناسبه لارتباط زى ده؟
نظر لها جاهلا ما تشير اليه بحديثها فردد ببلاهه
# انى مش فاهم حاچه
اجابته بقسوه
# لما تتقدم لى قدام الناس و انا يا دوب لسه فاسخه خطوبتى…عايز الناس تقول عليا ايه؟ مش حيقولو غير سابت ده عشان ده
ضحك باستهزاء حتى عادت راسه للخلف من اثر ضحكاته و ردد