ابتسمت بجانب عينها فتشجع اكثر و اقترب منها اكثر يردد بعزيمه
# انا عايز اتعرف على باباكى
خرجت منها ضحكه سخريه دون قصد فوجمت تعابيره فحاولت هى ان تفسر الامر لتردد بتأكيد
# مش بدرى على الخطوه دى؟ يعنى على الاقل نتعرف على بعض اكتر و بعدين……
قاطعها حازما الامر
# انا صعيدى يا جنه…و عندنا فى الصعيد بيعلمونا ندخل البيوت من ابوابها، و انا مش بقول انى حاخد اى خطوه..بس كل الحكايه اتعرف عليه و يتعرف عليا و يبقى عارف بوجودى لسببين مهمين اوى
ابتسمت و هى تشعر بالفخر من شخصيته التى اعجبت بها فاضاف
# اول سبب….انى مش حابب اكون فى الضلمه لانى مش بعمل حاجه غلط، انا بحبك و عايزك بس عشان انتى تطمنى من ناحيتى و تقدرى تقيمى مشاعرك صح حتعامل ببطئ زى ما انتى عايزه عشان لما ناخد قرار الجواز يبقى القرار ده نابع مننا احنا الاتنين و من مشاعرنا
خجلت من تطرقه لامر الزواج و بدء جسدها يخرج طاقات سلبيه وصلت له ليفهم على الفور ان ازمتها السابقه قد اثرت عليها بشكل كبير و يبدو انها ستحتاج لعلاجات حتى تتخطى الامر
اكمل حديثه يهتف بحمايه
# و ثانيا يا جنه…انا فاهم ان باباكى عايز يطمن عليكى و زى ما اجبرك تتخطبى للى اسمع ياسر ده ممكن يعملها تانى، فانا بقى لازم اقطع عليه الطريق ده و بمعرفته بوجودى اظن انه حتنتهى اى محاوله منه انه يخليكى ترتبطى باى حد