ابتسم لها و هو يمسك الدفتر بيده و يردد و هو يقلب صفحاته
# الرسمه اللى فى قبرص شبهك جدا وقت الحادثه…كانت ملامحك محفوره فى ذهنى وقتها بشكل كبير، لكن بعد كده انا اللى بدءت اغير شويه فى ملامحك عشان احاول اتصورك بكل الاشكال، و انتى مقصره شعرك او حاطه ميك اب او حزينه او بتضحكى
شعرت بتضخم قلبها بداخل صدرها فاذدردت لعابها بتوتر فامسك راحتها و اجلسها بجواره و ردد بصوت حانى
# مش عايز اضغط عليكى او احس انى بفرض نفسى عليكى، بس حقولك حاجه واحده بس
صمت فنظرت له تحثه على استكمال حديثه فردد بصوت رخيم
# لو حاسه….سيبى احساسك يقودك مره واحده فى حياتك، و لو خذلك احساسك حتبقى تجربه قاسيه تتعلمى منها درس انك متثقيش فى احساسك مره تانيه….و لو احساسك طلع فى محله اكيد حنبقى اسعد اتنين فى العالم لانى و من غير مبالغه بعشقك و بعشق كل تفصيله فيكى
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الشعور بالاحتياج يجعلك هش سهل الكسر لذلك تحاول دائما ان تستند على حائط صلب تبحث عنه دائما كما تبحث عن ابره بكومه قش فيصعب عليك تحديده مما يجعلك تخاف الاعتماد على احد حتى لا يتسبب فى ايذاءك
و لكن ماذا ان كان هذا الحائط الصلب موجود امامك شاهق و عالٍ ، يستطيع كل كائن كان ان يراه فهل يمكن ان تصاب بالعمى حتى تتجاهله