ابتسم مراد و هتف مازحا
# اه و من حظك انها ماخدتش منك موقف بعدها و انا بصراحه كنت متوقع ده منها من متابعتى ليها و معرفتى بشخصيتها الناشفه
استقام سليم بجلسه و ردد بجديه
# المرحله التانيه هى الشعور بالامان و الحمايه….انها تحس بالامان و هى معايا و ده برده حصل بمساعدتك يمكن من غير ما تحس لما خليتها تشوف عمايل اللى اسمه ياسر ده و الصدام اللى حصل بينهم فى ڤيينا و دعمى ليها وقتها خلاها تحس معايا بالامان و الحمايه و ده اللى نقلنا للمرحله الثالثه و هى الصراحه و اللى لومتنى عليها بس صدقنى كانت لازم انا قدمت السبت و صارحتها بكل حاجه و قدمت قصادها هى الاحد لما حكت لى على حياتها اللى محدش يعرف عنها حاجه حتى ابوها
زفر مراد بتخوف و ردد
# ايوه يا سليم بس برده القصه ما خلصتش على كده
اماء له بالاتفاق معه و ردد مؤكدا
# اكيد مخلصتش، بس الجزء الصعب عدى و ان شاء الله اللى جاى احسن لانى اقدر اقولك انى من انهارده اقتحمت جنتى و بدءت اهدم اسوارها و قريب اوى حبقى قاعد و مربع على عرش قلبها
♕♕♕♕♕♕♕♕♕♕♕♕♕♕♕♕♕
عاد من شروده على صوتها المتسائل
# الرسومات دى كانت من خيالك؟لانى ملاحظه انها مش شبهى اوى يعنى اللى فى الدفتر ده شبهى اكتر