تنهد سليم بحسره على حال معشوقته و هوسه و مراد يقص عليه الامر باستفاضه
# كل اللى يعرفه بيقول عنه انه لا زوج كويس و لا اب ناجح ده غير ان هروب جنه ساب اثر كبير جدا فى كل معارفهم و طبعا الكل كان بيتكلم بس ما بينهم و بين نفسهم عن سبب هروبها بس محدش كان يقدر يواجهه باى كلام و ده للخوف منه و من سلطته
زفر بيأس و ردد بحنق
# الموضوع كبير يا مراد..انا دايما كنت بحاول مقراش لغه الجسد بتاعتها بس غصب عنى و هى بتحكى قدرت اقراها و اللى استنتجته صعب
بلهفه واضحه سأله مراد
# ليه؟ ايه اللى استنتجته؟
اجابه بتحفظ دون ان يخبره باسرارها الدفينه و التى ليست من حق اى احد الاطلاع عليها و يكفى انها استأمنته هو فقط عليها
# اللى زى جنه يا مراد محتاجه 3 مراحل تمر بيهم مع الشخص اللى حيقتحم قلبها و بقولك يقتحم لانه مش حيكون سهل انه يدخل قلبها
استدار مراد بمقعده المتحرك يردد باستمتاع
# بتبسط اوى و انا بسمعك بتحلل شخصيات اللى قدامك..كمل يا سليم
تنفس بعمق ليحاول استجماع انفاسه الهاربه و ردد بعمق
# المرحله الاول هى الاطمئنان و الراحه النفسيه ….لازم تتطمن للى قدامها عشان تتعامل معاه او حتى تديله فرصه انه يتكلم معاها و ده انا الحمد لله نجحت فيه لما كنا فى روما اينعم اتسرعت بعدها لما صارحتها بمشاعرى بالسرعه دى بس ده كان خارج عن ارادتى