-هبطت عنان للأسفل لأنتظار والدتها، في حين ألتقطت هدي حقيبتها وأردفت بنبره جافه قبيل أن تخرج قائله
هدي بثبات : لولا الظروف أنا مكنتش سمحت لبنتي أنها تتفرض علي حد يا زين.. عن أذنكوا
نسرين ناهضه عن مكانها : أستني بس ياهدي رايحه فين تعالي
– دلفت هدي للخارج في حين لحقتها نسرين ، بينما ظل زين قابعا في مكانه لم يتحرك منه .. راوده التفكير في كلماتها اللاذعه التي ألقتها علي مسامعه فلابد وأن هناك سرا لا يعلمه ولا يجب أن يختبئ هذا السر أكثر من ذلك .. قرر الهبوط للأسفل لكي يبتعد عن جده الذي كان علي وشك بدء الحديث حتي يفر من مطاردته أكثر ، وأثناء هبوطه درجات السلم الرخامي وجد عمه ( عاطف ) علي وشك الصعود لأعلي فأستوقفه قائلا
زين باأبتسامه هادئه : عمي ، أذيك عامل أيه ؟
عاطف مصافحا أياه : الحمد لله ياحبيبي ، لسه كنت طالع أدور عليك فوق عشان اعرف وصلت لأيه
زين بتنهيده : ولا حاجه ، تعالي ننزل تحت
– توجها سويا للأسفل متجهين صوب أحد الأرائك الأسفنجيه المريحه ثم جلسا قبالة بعضهم البعض
عاطف بترقب : نويت علي أيه يازين الدين ؟
زين بنبره جافه : مش عارف ، أنا ندمان إني رجعت مصر في زياره أتضح أنها أتحولت لأقامه مش زياره
عاطف مربتا علي فخذه : مفيش حاجه تستحق الندم ياحبيبي ، يعني مش مبسوط أنك شوفتنا بعد كل السنين دي .. ده جدك طاير بيك
زين قابضا علي شفتيه : مش قصدي ، لكن مكنتش أحب أقع في فخ
عاطف بخبث : عمرك ما كنت هترجع غير بالطريقه دي
زين مضيقا عينيه : يعني متعمدين كمان !
عاطف باأبتسامه واسعه : سيبك من الكلام ده المهم هتعمل أيه ، أنا عايزك تنزل المصنع وتشوف شغلك بقي، يا حبيبي أنت ليك في المصنع
زين ذافرا أنفاسه بحنق بالغ : ليه محدش فاهمني ، أنا ورايا شغل متلتل سايبه في فرنسا .. ده غير أتفاقية النمسا اللي بعد كام شهر ، وأنتوا جايين بكل بساطه تهدوا كل ده وتجبروني علي القعده هنا وكمان أتجوز .. عنان
عاطف بنبره متعجله ، وبدون تفكير : أنا هسد مكانك في فرنسا وأقدر علي ده ، ولو علي الأتفاقيه لو عايز تتمها بنفسك مفيش مشكله تقدر تسافر في ميعادها
زين رافعا حاجبيه :…………