عنان : هو أنت مش هتاكل ولا إيه ؟
زين رافعا إحدي حاجبيه : مستني أشوف هتشبعي ولا تاخدي بتاعتي
عنان بقهقهه خفيفه : لا لا مش للدرجه دي ، تعالي أقعد وكل معايا بقي
زين متوجهها نحوها : ……………
_ بعد أن تناولا طعامهما وشعرا بأن لا مكان للُقيِمه صغيره حتي ، تنحنح زين ثم مسح فمه بأحد القطع الورقيه ( مناديل ) ثم نظر لها وكأن حديثا ما يقف علي حافة لسانه ، قطبت جبينها ثم هتفت بتساؤل
عنان : عايز تقول حاجه ؟
زين بتفكير : أه في ، اا ا عنان ، أنتي ليكي في الفلوس؟
أقصد بتمثل أهميه عندك !
عنان بذهول : فلوس ! لأ .. ليه
زين مبتلعا ريقه : يعني لو حصلت مشكله في العيله ، وحلها أنك تتنازلي عن فلوسك هتتنازلي ؟
عنان رامشه عينيها : لو مش حقي هتنازل عنها ، انما لو حقي مش هفرط فيه
زين بتردد : طب أاا ا … جدو الله يرحمه واضح أنه ميزك عننا بزياده شويه ، متهيألي اا هو يعني
عنان بعدم فهم : مش فاهمه حاجه !!
زين مستجمعا شجاعته : جدو كاتبلك تلتين الورث ، ياريت تتنازلي عنهم وتاخدي حقك بس عشان منقطعش في بعض
عنان محدقه عينيها بعدم أقتناع : هااا ! أزاي الكلام ده .. مش ممكن
زين قابضا علي شفتيه : للأسف ده اللي وصلي ، معرفش الكلام صح ولا لأ
عنان بعدم تصديق : أنا متأكده أن الكلام ده مش صح !