( عوده بالوقت للسابق )
زين فاغرا شفتيه بذهول : مستحيل جدو يعمل كده
إيهاب بإنفعال شديد : أنت هتستعبط عليا يازين .. مأنت تلاقيك ظابطها معاه
وليد بتذمجر : إيهاب ملهوش لزوم الكلام ده و ….
زين مقاطعا بنبره حاده : أستني ياوليد ، أنت جيبت الكلام ده منين ياإيهاب ؟!
إيهاب بنظرات مشتعله : ملكش فيه ، المهم أنه صح
زين مشيرا بأصبعه بنبره محذره : ليا فيه ونص ، أياك تكون وصلت لوصية جدي وفتحتها .. هتكون عواقب تصرفك مش مبشره
إيهاب بنبره أجشه صارمه : أنت بتهددني !؟
زين بنبره منفعله صادحه : أعتبره زي ما تعتبر ، والله ما هعديها لو كان ده صح
وليد محاوطا رأسه بذراعيه : ياجماعه ميصحش كده ، مش علي أخر الزمن هنقطع في بعض
زين عاقدا حاجبيه بغضب : هو اللي همجي ، ياريت تهدا حتي لو جدي عمل كده أنا مش هخلي مراتي تاخد قرش واحد من التلتين دول
إيهاب بنبره صادحه : أنت هتعمل فيها مُضحي
زين : انا ا …….
وليد مقاطعا : خلصنا يا إيهاب ، ماقالك لو الكلام صح مش هتاخد حاجه عايز إيه تاني
إيهاب بنظرات شزره : …………
– توجه للخارج بأندفاع في حين كانت عيني زين تطلق شررا متطاير من الغضب ثم هتف بنبره متوعده
زين : لو الكلام ده صح والوصيه أتفتحت فعلا ، ليلته هتكون سودا هو والمحامي .