– لم يهنأ بنومه طويلا ، حيث لم يعتاد علي تغيير فراشه ومكان نومه .. فطبيعته الفسيولوجيه تتمثل في عدم الراحه بأي مكان سوي مكانه الخاص به ، أستيقظ من نومه بحيويه ثم أنطلق لخارج الغرفه متوجها صوب غرفة جده بعد أن قام بغسل وجهه بالمياه البارده
زين مطلا برأسه من الخارج : ممكن ادخل ؟
نسرين واضعه الغطاء أعلي والدها : اتفضل ياحبيبي ، جدك لسه صاحي من شويه وسألني عنك
إبراهيم بوهن : تعالي يابن الغالي
زين بأبتسامه مشرقه : صباحك سعيد ياجدي
إبراهيم بأبتسامه : صباح الخير ، نمت كويس ؟
زين : اه ياجدي .. المهم انت أزي صحتك دلوقتي
إبراهيم بتنهيده : كويس ، الموضوع اللي أتكلمنا فيه ام ……
زين بوجه مكفهر : جدي لو سمحت متفكرنيش ، انا مش راجع من فرنسا عشان تلبسني في جوازه زي دي
إبراهيم قاطبا جبينه : يابني أنت متعرفش عنان كويس
زين بتهكم : اه فعلا ؛ ومش ناوي أعرف الحقيقه
إبراهيم : سنه واحده ، وبعدها لو عايز تطلقها طلقها
زين قاطبا جبينه : هي ثفقه ياجدي !! انا ضيعت سنين من عمري عشان مش لاقي الأنسانه اللي بدور عليها .. وحضرتك دلوقتي عايز تجوزني بنت أصغر مني بعشر سنين مره واحده
أبراهيم بحده خفيفه : اسمع يازين ، من يوم ما عنان رجعت لحضن أمها تاني وهي كانت تحت عيني ، دلوقتي بقي لما اموت هتكون تحت عين مين ، مش هطمن طول ماهي ملهاش راجل
زين بتنهيده : معنديش مانع احطها جوه عيني وأكتر ، دي بنت عمتي ومن لحمي .. لكن مش لدرجة الجواز ياجدي
إبراهيم بنفاذ صبر : أسمع يازين ، العمر مفيهوش بقيه ومش ضامنه ، أعتبر قراري ده وصيتي ليك وأمانه في رقبتك .. ولو منفذتهوش أنا مش راضي عنك
زين جاحظا عينيه : جدي !!
إبراهيم مبتلعا ريقه : أنا قولت اللي عندي ، سيبني أستريح
زين ذافرا أنفاسه بضيق : ………….