– في صباح يوم جديد .. تشرق الشمس مغطية المكان بضوءها الذهبي لتستيقظ عنان كعادتها للذهاب حيث مدرستها لقضاء يوم دراسي جديد .. فألتقت أصدقائها بالمدرسه والاتي عرفن بما حدث عن طريق رفيقتهم شيري .. تلك المجنونه التي لا تستطيع الأمساك بلسانها ومنعه من التفوه
عنان لاويه شفتيها : أنتي لحقتي تنشري ياشيري
شيري بأابتسامه واسعه : أكيد ياقلبي .. كده كده هيعرفوا
ليلان بلهفه : أحكي حالا إيه اللي حصل
رهف : قولي بقي يانونو انا عايزة أعرف اللي حصل بسرعه
عنان بتنهيده : هقولكوا ……
( قصت عنان علي مسامعهم تفاصيل ما حدث بالأمس .. )
شيري محدقه : واو ، دي حاجه amazing ( مثيره ) خالص
ليلان بهيام : لو أنا مكانك هوافق علي طول .. كفايه أنو عاش في فرنسا ، يعني هيكون جنتل ومتحضر في تصرفاته ، ولا راجل شرقي ولا هيتحكم فيكي
عنان بتنهيده : هوف ، ده لا يطاق .. وبعدين مش طايقين بعض خالص هنتجوز أزاي
شيري رافعه حاجبيها : أن شالله فتره مؤقته
عنان قابضه علي شفتيها : لا لا … أنتي ساكته ليه يارهف
رهف بخبث : أنتي هتكوني مستفيده جدا من الجوازه دي ياعنان
عنان عاقده حاجبيها : what ? بقولك مش طيقاه ولا طايقني
رهف : يابنتي شغلي دماغك .. بتقولي مش طايقك يعني هيتجاهلك ومش هيتعامل معاكي ، انتي هتكوني كسبانه علي الأقل هتخرجي من سيطرة مامتك وتكوني حره ، تعملي اللي انتي عايزاه وبس
عنان مضيقه عينيها : ده بجد !
شيري بعيون لامعه : ايوه بقي يارهف ، شغلي دماغك كده وأشجينا
رهف حاككه طرف ذقنها : دروس باليه سفر رحلات مذاكره وقت ما تحبي ، يعني جوازه full optioin
عنان بتنهيده : أفرضي مطلعش كده ؛ يعني لو عاند معايا وفضل قاعد علي نفسي زي الصنم
رهف : نكدي عليه عيشته ، الراجل ميكرهش قد الست النكديه وبيبقي عايز يبعدها عنه بأي شكل
عنان بتهكم : أفكر …. مع أني مش متحمسه