– هب واقفا من جلسته بأندفاع عاقدا حاجبيه بغضب قبيل أن يردف بنبره منفعله قائلا
زين بحده : أفندم .. نعم ، عنان مين دي اللي أتجوزها ده علي جثتي
إبراهيم معتدلا في جلسته : يابني مينفعش ت ….
زين مقاطعا : لا لا لا ، عايز تجوزني حتت عيله لو أتجوزت أخلف قدها
هدي محدقه بصدمه : أنا بنتي عندها 17 سنه لسه ياحج .. أزاي هتشيل بيت وهي مش قادره تشيل مسؤليه نفسها .. دي بنت مستهتره
( عودة للوقت الحالي )
– كانت عنان بطريقها للحجره حيث أستمعت لأخر كلماته فسقط من يدها كوب المشروب البارد لتتهشم جزيئات صغيره … فزع الجميع من صوت ذلك الكوب المتهشم فدخلت عليهم بأندفاع هاتفه …
عنان بحده : قال يعني أنا اللي دايبه في دباديبك
زين بنبره حازمه : بقولك أيه يابت أنتي متنرفزنيش عليكي
عنان عاقده حاجبيها بغضب : أيه بت دي ؟ شايفني بلعب معاك في الشارع
هدي واقفه في مكانها : بنت ، أتكلمي كويس
زين بنبره محذره : لولا كل الموجودين وصلة الدم اللي بينا انا كنت علمتك الأدب صح يابنت عمتي
عنان بتهكم : ياراجل ؟
إبراهيم بنبره واهنه : أنتوا بتتخانقوا قدامي !
زين بعصبيه مفرطه : مش شايف بتعمل أيه وبتقول أيه ياجدي
عنان لاويا شفتيها : البادي أظلم
زين مشيرا بأصبعه : أنا أتجوز دي ؟! ، بعد كل السنين اللي بدور فيها علي البنت اللي في خيالي تدبسني في طفله
عنان بنبره منفعله : طفله !!! ليه حاطه صوباعي في بوقي … انا اصلا اللي مش عايزاك
زين بتهكم : حوشي يابت بجري وراكي ومقطعك جوابات
عنان ذافره أنفاسها بقوة : و…..
هدي مقاطعه بقوة : عنان … متهيألي كفايه لحد كده
عنان بحده : ماما هو اللي بيستفزني
زين ضاربا كف بكف : مبقاش إلا العيال كمان اللي هقف قصادهم
عاطف بلهجه أمره : زين ، أهدا وكفايه أنفعال
سمير بتهكم : خلاص يابابا أنا عندي حل ، ليه ميتجوزهاش إيهاب
عنان وقد لمعت عيناها : اه موافقه علي إيهاب
هدي بعصبيه مفرطه : لأ ، بنتي متجوزش أبنك الصايع بتاع البنات .. أهو ده اللي ناقص مستهتره وصايع عشان يخلفولنا مشبوهين
سمير بأنفعال : إيه صايع دي ياهدي ، ماهو إيهاب ابن اخوكي وزين أبن اخوكي برده
زين بلهفه : انا موافق جدا علي مشروع جوازهم ده ، بصراحه لايقين علي بعض جدا
عنان ضاربه علي كتفه بقوة : ما تلم نفسك بقي ، ولا عشان أنا ساكته هتسوق فيها
زين بنظرات مشتعله : لا بقي ده انتي عايزة تأديب وتهذيب وإصلاح وأنا والله لو مسكتك هربيكي صح
إبراهيم بنبره صادحه : بررررررررررره ، أطلعوا كلكوا بره … اااه قلبي اااه منكوا لله ااه