– صار وليد خطوات للأمام ببطء فتبعه زين ، ثم ألتفت إليه وهتف قائلا
وليد : جدو الله يرحمه كان بيحب عنان اوي اوي ، كانت عنده فرخه بكشك .. عنان عنان عنان ، وده عشان هي الحفيده الوحيده وأخر حفيده علي تلات أحفاد .. أكيد لما تخلي بالك منها كويس هو هيحس بده وهيفرح في قبره
زين مطرقا رأسه بأستسلام : ماشي ياوليد .. يلا ندخل جوا بقي
– حضرن رفيقاتها لليوم التالي علي التوالي ، لعلهن يستطعن رؤيتها وبالفعل نجحا في ذلك .. حيث جلسا معها بحجرة الجد التي رفضت عنان تركها مهما حدث وتوددو في الحديث إليها
رهف ممسده علي فخذها : خلاص يانوني كفايه والله هعيط
عنان بدموع : …….
شيري مربته علي ظهرها بحنو بالغ : ياحبيبتي متزعليش هو أكيد أرتاح من الألم اللي كان بيشوفه
شيري متابعه : اه طبعا أرتاح ، مش هو كان تعبان .. ادعيله بالرحمه وكفايه عياط ياحبيبتي
– كانت توزع نظراتها بعينيها المملؤتان بالدموع عليهم ثم مسحت عنها عبراتها وتنهدت بقوة لتنفس عن الهم المتراكم فوق صدرها .. تشعر وكأن ثقلا ما فوقها ولا تستطيع التخلص منه ، ثم أردفت
عنان : ربنا يرحمك ياجدو
رهف باأبتسامه عذبه : ان شاء الله يرحمه بس أنتي أدعيله
شيري : عايزينك تفوقي كده عشان ورانا هم ما يتلم
ليلان بنبره حانقه : اه صح ، لازم تفوقي كده عشان ورانا مذاكره .. وكمان مطلوب مننا بحث بالفرنسيه عن فرنسا ومعالمها السياحيه وحضارتها وكده .. المسيو هيشوفه بعد يومين
عنان بأقتضاب : أن شاء الله