زين بنبرات مرتبكه : كل حاجه ليها حل ، أحنا بنعتذر عن الخطأ ده
المترجم بنبره آسفه : عذرا سيدي ، يرفض المندوبين عن الشركه الألمانيه الاتفاق حول هذا العقد
زين مبتلعا ريقه بصعوبه : يعني أيه ؟
وليد بنبره ثابته : في حاجه غلط حصلت ، وحالا هتتعدل
المترجم ناهضا عن مكانه : لا يمكن ذلك ، ما أستطيع قوله هو أن ثقة الشركه الألمانيه قد تزعزت بمؤسستكم ، وعلينا جميعا الرحيل
زين ناهضا عن مكانه بأندفاع : أنا هتكلم مع الشركه الألمانيه وأوضح الموقف السخيف اللي حصل وياريت تكونوا في أستضافتنا في مصر لحد ما نحل الموضوع
المترجم محركا رأسه بالسلب : مع كل الأسف فأن رحلة العوده للمندوبين الموكلين عن الشركه ستكون بعد ساعات قليله أو ربما تمتد للغد كحد أقصي.. نستأذنك
زين :…… .
_ خرج كافة الموجودين بحجرة الأجتماع للخارج يتهامسون سويا فيما حدث ظنا منهم بأنه تلاعب منهم
مقصود وعن عمد، في حين ظل زين قابعا علي المقعد يكاد يجن عقله مما حدث ، فكيف يحدث شيئا كهذا
وليد بنبره حازمه : الملف ده كان فين يازين طول الفترة اللي فاتت
زين واضعا رأسه بين راحتي يده : في بيتي ، أزاي أزاااااااااي ، أنا هتجنن مش ممكن ، مش ممكن
وليد قابضا علي شفتيه بغيظ : يعني هيكون مين لعب فيه يازين
زين محدقا بعينيه : عنان!! معقول يكون وصل بيها الأستهتار تعملي مقالب في شغلي
وليد جاحظا عينيه :لالالا مش ممكن توصل دماغها لكده
زين ضاربا علي سطح الطاوله بعنف : أمال أيه.. أيييييييه