زين بقهقهه خفيفه : أهدي بس أهدي ، ده أنا ياطفلتي
عنان ملتقطه أنفاسها بصعوبه : ااااه خضيتني أوي
زين ممسدا علي رأسها بحنو : سلامتك من الخضه ، طمنيني عليكي
عنان بسعاده : أنا كويسه جدا، بس أنت لحقت تيجي أزاي
_ أحاطها بذراعيه ثم شبك أصابعه معا خلف ظهرها في حين أستندت علي صدره بكفيها، فأردف قائلا
زين : أنا كنت في المطار لما كلمتك ، واللي أخرني أني روحت فيلا الحسيني أطمن علي عمتي وعمي الأول
عنان : حمدالله على السلامه، قولي عملت أيه؟
زين جالسا علي طرف الفراش : الحمد لله كله تمام، المندوبين الألمان هيوصلوا مصر كمان أسبوعين عشان العقد يتم هنا في مصر
عنان جالسه قبالته : يعني أنت مبسوط!
زين باأبتسامه : واضح أنك مش بتفهمي في شغلي
عنان محركه رأسها سلبا : تؤ ، هعرف أزاي وأفهم منين، المهم يكون اللي حصل فرحك
زين متمطعا بذراعيه في الهواء : من ناحية فرحني فهو فرحني .. جيبتلك هديه هتعجبك أوي
عنان فاغره شفتيها : بجد ، أيه هي أيه هي ، قولي
زين ممسكا بيدها : تعالي أوريكي أحسن ما أقولك
_ توجه زين صوب غرفته ثم أمسك بحقيبته ثم أسندها علي الفراش وبدأ يعبث بمحتوياتها حتي أمسك بعلبه كبيره وردية اللون مغلقه بشريط ستاني أبيض لامع، مد يده لها