– أنصرفت الخادمه سريعا لتنفيذ ما أمرتها به عنان في حين توجهت عنان نحو الهاتف بخطي مترنحه حيث ما زالت تحت تأثير النوم ، رفعت ذراع الهاتف ثم شرعت بالضغط علي الأزرار ليأتيها صوت والدتها المألوف
هدي بنبره سعيده : صباح الخير ياحبيبتي ، عامله أيه ؟
عنان بهدوء : الحمد لله يامامتي كويسه ، وانتي عامله أيه وحشاني
هدي باأبتسامه برزت أسنانها : انا كويسه طالما انتي كويسه يا حبيبتي .. مال صوتك كده زي ما تكوني عايزه تقولي حاجه
عنان بتنحنح : احم ، طول عمرك فاهماني يمامتي ، انا كنت عايزه فلوس عشان خلصت كل فلوسي و ……
هدي رافعه حاجبيه بأندهاش : هو زين مش بيديكي اللي انتي محتجاه ؟
عنان عاقده حاجبيها : زين ! وهو يديني ليه ؟
هدي بتفهم وصدر رحب : عادي ياحبيبة ماما ، جوزك ولازم هو اللي يديكي
عنان لاويه شفتيها : يعني لازم هو ، خلاص ماشي
هدي بنبره رخيمه : زين عمره ما هيقولك لأ يانوني
عنان مومأه رأسها بتفهم : أوكي ، انا هقفل عشان أكلم البنات ونتفق علي الدرس
هدي رافعه يديها للسماء : ربنا يوفقك يا ضنايا
عنان رافعه حاجبيها ، ثم هتفت في نفسها : سبحان مغير الأمهات ، اتغيرتي خالص بعد ما اتجوزت ليه كده .. يلا اهي مصلحه برده
هدي بتساؤل : سكتي يعني ياعنان !
عنان بأنتباه : هه ، ولا حاجه ، يلا بقي سلام
هدي بعفويه : سلام ياحبيبتي