– رفع إيهاب ذراع ( السماعه ) الهاتف الموضوع جواره ثم هتف للساعي طالبا منه أحضار قدحا ساخنا من مشروب القهوه السريعه حتي أحضره بعد عدة دقائق قليله
زين للساعي : شكرا
الساعي مومأ رأسه : العفو يا بيه ، عن أذنكوا
زين مرتشفا بعض القطرات بهدوء : أنا عارف أنت عايز أيه والسبب اللي خلاك تطلب تشوفني بدري كده
إيهاب متلاعبا بالقلم الحبري : كويس أنك بتفهمني
زين بنبره رزينه : أسمع ياإيهاب ، أنا مش راجع أخد مكانك ولا جاي أغطي عليك .. انت عارف كويس إني مجبر علي القعده هنا
إيهاب مقاطعا : اللي بتعمله مش بيقول كده ، حضرتك ا. …
زين مشيرا بيده : أكمل كلامي
إيهاب بتأفف : …….
زين تاركا قدح المشروب الساخن : عارف عايز تقول إيه .. بس أنا طبيعتي مبعرفش أقعد في مكان مش حابه ، كان لازم أخلي المكان مهيأ زي ماأنا عايز ، أعتبرني ضيف مش تقيل شويه وهمشي ، حتي المكتب اللي بيتوضب ده هيكون من حقك بعد كده
إيهاب بنظرات زائغه : ………
زين مومأ رأسه لتأكيد كلامه : زي ما سمعت كده ، انا مش عايز وجودي يكون مضايفك ، أحنا دم واحد ياأبن عمي
إيهاب قابضا علي شفتيه : ياريت تشركني معاك في قراراتك عشان مبحبش المفاجأت
زين باأبتسامه خفيفه، لم تصل لعينيه : أن شاء الله ، المهم عايزك تطمن من ناحيتي انا مش جاي طمعان في حاجه ، انا الحمد لله أمتلك واحده من اكبر شركات العطور ومستحضرات التجميل في فرنسا ، يعني مش محتاج ولا تلت المصنع ولا حتي المصنع كله ، وإي تصرفات الفتره الجايه هتكون لمصلحة المصنع بس
إيهاب مضيقا عينيه بخبث : ……..