– أغلق العامل بأحدي شركات خطوط الهواتف بوجهها بعد أن سئم من حالة الجنون التي أصابتها بينما ظلت الفتيات داخل هيستريا من الضحك بدون توقف علي جرئتها وفعلتها المجنونه ، ولم تقل حالتها عنهم ، فقد أرتمت علي فراشها وظلت تقهقه عاليا .. فا بمنظورها ان تلك الحياة مرة واحده ، ولن تعيش سواها
————————————————–
– كان زين يجلس علي مقعد جلدي أسود أمام أحدي شاشات العرض الكبيرة مرتديا نظارته الغير طبيه ( نظارة حفظ للنظر ) يشاهد مقطعا يمثل أنجازات الشركه وبعض منتجاتها التجميليه التي تقوم الشركه بصنعها من أجود المواد الطبيعيه ..
وبعد أن أنتهي المقطع أمر العامل بأيقاف تشغيل الجهاز .. ثم نهض عن مقعده واضعا يده أسفل ذقنه يتحسسها في حين كان عقله الأكثر أنشغالا
زين بلهجه أمره : اتفضل أنت دلوقتي ، وأبعتلي مسيو وليد
العامل : حاضر
– دلف العامل بينما صاح هاتف زين بنغمات صاخبه عاليه معلنا عن أتصال هاتفي .. نظر للهاتف بتمعن وعلي ثغره أبتسامه واسعه ثم ضغط علي الهاتف للأيجاب
زين ياأبتسامه صافيه : اهلا ياعمي .. واحشني
عاطف بهدوء : لو واحشك كنت سألت يازين الدين ، مش لما صدقت خلصت مننا !
زين باأبتسامه : تصدقني لو قولتلك ان الفترة اللي فاتت كانت فعلا صعبه ودوامة الشغل لوحدها تكفي
عاطف بتهكم : ومصدقش ليه ؟ المهم طمني عنك يابني
زين جالسا علي مقعد مكتبه الخشبي : انا الحمد لله زي الفل ، المهم انت وجدي عاملين ايه .. وعمتي هدي وعمتي نسرين أيه أخبارهم
عاطف بنبره ثابته : الحمد لله كلهم كويسين ، لكن …….
زين عاقدا حاجبيه بتعجب : لكن ايه ؟! في حاجه ولا ايه ياعمي !!
عاطف بتنهيده : جدك يازين ، تعبان أوي يابني .. نفسه يشوفك قبل ما يجراله حاجه
زين معتدلا في جلسته بتوجس شديد : أييييه ؟ ماله ياعمي فيه أيه ؟
عاطف بنبره مختنقه : عنده أعتلال في عضلة القلب … من كام يوم جاله نوبه قلبيه شديده قوي ونقلناه علي المستشفي .. الدكتور أكد انه لازم يفضل فترة في المستشفي ، لكن انت عارف جدك دماغه ناشفه وطول عمره ما يحبش المستشفيات ولا قعدتها
زين قاطبا جبينه بضيق : طب مفيش علاج منتظم عليه ؟
عاطف : انت العلاج يابني ، لازم ترجع بقي وتشوف حياتك هنا وهتلاقي ميت فرصه تعمل بيها اكبر بيزنس هنا
زين بتهكم : بيزنس عندكوا !! بس انا كل حياتي وشغلي هنا .. مستريح هنا
عاطف بحده خفيفه : أنت أتجوزت ومقولتش ولا أيه يازين ؟ !
زين بقهقه عاليه : ههههههه انا اتجوز !؟ لسه بدري ياعمي
عاطف بنفاذ صبر : بقولك أيه ، اتصرف وانزل مصر ان شالله يومين وترجع تاني المهم تنفذله رغبته
زين قابضا علي شفتيه : …… ربما يسهل ياعمي
عاطف بتأفف : أسمع يازين انا عملت اللي عليا وقولتلك ؛ وخلي وليد ينزلي هو كمان مصر
زين محركه رأسه : ماشي ، سلم علي كل اللي عندك
عاطف : ماشي ياحبيبي .. سلام