– وافقت عنان علي تحدي شيري بحماس شديد ثم شرع رباعيتهم ببدأ اللعبه ، شحنت الأجواء وأزدادت أثارة خاصة بعد فوز شيري وخسارة عنان .. قبضت عنان علي شفتيها بقوة لكي تمتص حاله من الانزعاج بدت عليها بصورة واضحه للغايه ثم شرعت تفكر مليا فيما ستفعله كعقاب كما أتفقا سويا
شيري باأبتسامه متشفيه : ها هتعملي أيه يانوني ؟
عنان مصره علي أسنانها بغيظ : لو سمحتي تسكتي خالص ، انا بقولك أهو
ليلان بقهقهه عاليه : هههههههه خلاص يانونه متزعليش نفسك .. دي game
عنان محدقه عينيها : عرفت أنا هعمل أيه
– ألتقطت عنان هاتفها من أعلي المكتب ثم تلمسته عدة مرات لكي تقوم باأجراء مكالمه تليفونيه حتي أتاها الرد
المتصل به : خدمة عملاء شركة …. اهلا بحضرتك يافندم ، في البداية أتشرف بأسم حضرتك والخط اللي عايزة تستفسري عنه هل هو ده ولا رقم أخر ؟
عنان بصوت أنثوي : اهلا بحضرتك
المتصل به : اهلا يافندم ، أمري
عنان مداعبه خصلات شعرها : لو سمحت السشوار بتاعي باظ ممكن الشركه تعمله صيانه ؟
المتصل به عاقدا حاجبيه : سشوار أيه يافندم !! هنا خدمة عملاء خطوط ……
عنان كابحه صوت ضحكاتها : اهاااا ده تبع خطوط الغاز يعني ، طب مفيش مشكله برده البوتجاز عندي مش واصله غاز
المتصل به : لا برده يافندم مش خطوط غاز احنا ….
عنان مقاطعه : يبقي خطوط كهربا صح ؟
المتصل به : لا برده حضرتك دي خطوط أجهزة المحمول والموبايلات
عنان باأبتسامه واسعه : ralley ( حقا ) كويس خالص انا الموبايل بتاعي بيفصل شحن كتير ممكن حضرتك تصلحهولي
المتصل به : واضح ان حضرتك غلطانه في الرقم معذرة بس ……
عنان مقاطعه : لا لا اا ياراجل مش غلطانه انا متأكده ، ليه بتهرب مني يامحسن
المتصل به محدقا : محسن !!! مين محسن ده .. حضرتك انا ……
عنان مقاطعه : ايوة ايوة يبقي مش محسن ، امال مين احمد ؟!
المتصل به بتأفف : ولا أحمد ؟ انا هنا في شركة ……
عنان بضحكك : خلاص خلاص عرفتك ، أنت تامر
المتصل به بعصبيه خفيفه : ياااافندم ، هنا خدمة عملاء بشركة ……
عنان بشهقه : هاااااا ياخبر ، طب وبالنسبه للي معاه خط ….. يعمل ايه
المتصل به : ممكن حضرتك تتصلي بخدمة العملاء الخاصه بالخط بتاعك وتستفسري براحتك
عنان : طب خليك معايا علي ال waiting لحد ما اتصل اشوف كده