هدي ملتفته أليها : متنسيش ا ….. يالهوي ، ليلتك سوده .. أيه البدي اللي لبساه ده
عنان ناظره لهيئتها : ده قميص المدرسه مش بدي
هدي بحده : إيا كان ، مش شايفه شكله عامل أزاي عليكي ، تدخلي تغيريه حالا
عنان بضيق : ياماما مش ناقصه تأخ……
هدي مقاطعه بنبره حازمه : هي كلمه واحده ، دقايق وتكوني لابسه قميصك التاني ، وإلا ورحمة ا …..
عنان فاغره شفتيها : ﻻﻻﻻﻻ … والنبي بلاش رحمة الميتين الله يخليكي ، هدخل أغيره أهو
هدي : بنات عايزه حش رقبيها
—————————————————
– في أحدي أشهر المطاعم المتخصصه بوجبات الأفطار الفرنسيه بمدينه ليون الفرنسيه ، حيث هدوء المكان وأصطفاف طاولات الطعام العاجيه بشكل أنيق ومرتب .. وموجات صوتيه رائعه تشكل مقطوعه موسيقيه هادئه من أجمل ما تسمع الأذن ، يجلس زين و وليد متقابلين علي مقاعد خشبيه وثيره أمامهم علي سطح الطاوله العديد من الوجبات الشهيه ذات الألوان الملفته للنظر .. يتبادلون أطراف الحديث أثناء تناول الطعام
وليد : مم ماهوو أصل وو
زين بأشمئزاز : بسسسسسس أبلع الأكل اللي بوقك وبعدين أتكلم ، مشوفتش حد قبل كده بوقه علي شكل بلونتين واحده يمين وواحده شمال ولا كأن حد واخدك بوكسين
وليد مبتلعا الطعام : أحم … يابني جعان جعاااااان
زين عائدا برأسه للوراء : طب ما تاكلني أحسن ، يمكن أكفي شهيتك اللي مبتخلصش دي
وليد : هههههههه لا مش عايز
زين بتهكم : ياراجل ! قول كلام غير ده ، الغريب ان بعد كل الكميات اللي بتاكلها دي ولا بيبان عليك حاجه
وليد بتفاخر : الحمد لله ، هذا من فضل ربي
زين ساخرا : إلا قولي يا ويل ، هي الكميات دي بتروح فين ، يعني مفيش 5 كيلو وزن زياده ولا حاجه
وليد لاويا شفتيه : خمسه في وشك ؛ ده أنت تقفل نفس الواحد عن الأكل
زين : هه هه أستحاله نفسك تتقفل ياحبيبي ، دي شغاله اربعه وعشرين ساعه يونيفيرسال
وليد لاويا شفتيه بتهكم : ليه شايفني سخان
زين بمزاح : أنيل هههههههههه
وليد بتأفف : يامصبر وليد علي زين ، سيبك من الكلام ده وقولي ناوي تعمل أيه في نزولك مصر
زين بتنهيده : مضطر أنزل ؛ هتفضل أنت هنا وأنا نازل يومين وراجع
وليد رافعا حاجبيه : بس اللي أعرفه أنا جدو عايز يشوفنااااا مش يشوفك لوحدك
زين : ياسيدي انا هرجع وأنت أنزل
وليد بتهكم : تفتكر مدير الشركه هيوافق ؛ اصل بعيد عنك عندنا مدير زي القفل أستغفر الله العظيم
زين بجديه : ما تلم لسانك ده يخرب بيتك ، قول يارب وكله هيتظبط بس نعدي الفتره دي