————————————————-
– مر يومان لا جديد ، بل أن الجدير بالذكر هو تأخر الحاله الصحيه أكثر لدي أبراهيم ورغبته الملحه في رؤية حفيده قبل أن يلقي حتفه .. وبهذا اليوم قرر مهاتفته بنفسه لعله يستطيع أقناعه بالعوده
أبراهيم بوهن وصوت متقطع : يابكاش ، لو واحشك مكنتش أستخسرت في جدك تمن تذكره سفر هتيجي بيها تطمن عليا
زين : حبيبي والله ياجدو واحشني فعلا ، ولولا الضغط اللي علينا أنا مكنتش ترددت ثواني إني أجيلك .. بس أوعدك هحاول أتصرف
– أشارت هدي بيدها لوالدها لكي تلتقط منه الهاتف وتحادثه بنفسها .. ثم دلفت خارج الحجره لتجد الأريحيه في الحديث
هدي بنبره رخيمه : زيزو حبيب عمتو
زين بأبتسامه واسعه : حبيبتي يادودا ، وحشاني جدا طمنيني عامله أيه من غيري
هدي بمزاح : أحسن منك ياواد
زين بقهقهه عاليه : هههههه يارب علي طول ياستي تكوني أحسن مني
هدي بنبره متوجسه : أسمعني كويس ياحبيبي ، الأعمار مش بأيدينا وأنت عارف .. وانا مش عايزاك تندم أنك مجيتش تشوف جدك يازين ، ياحبيبي لو عايز ترجع يومين تطمن علي جدك وتمشي مش مشكله
زين مقاطعا : ياعمتي أنا ………
هدي : بلا عمتي بلا بتاع ، يقطع الشغل اللي يخليك حابس نفسك في بلد مش بلدك ومش عايز تشوف جدك اللي خلاص …. الله اعلم أجله أمتي
زين بتنهيده : حاضر ياعمتي ، هحاول بعد اسبوعين كده ولا حاجه ا …..
هدي بلهجه أمره : أسمع يازين ، قدامك كام يوم وتكلمني ، تقولي أنا في مطار القاهره ياعمتي .. وده أخر كلام عندي ليك يازين ولو عايز تكسر بكلامي براحتك .. سلام
زين محدقا : …………