– دلفت عنان لغرفتها متذمره .. تسيطر علي وجهها علامات التجهم والحنق ، حيث أستطاعت والدتها التلاعب بالوتر الحساس وأحدي أهتماماتها الأولي .. في حين لاحظت الفتيات تغيرها وأنقلاب مزاجها 180 درجه فألحوا عليها ليعرفوا ما أصابها
رهف قاطبه جبينها : طب متزعليش نفسك يانوني ، ممكن تسيبيها تهدا شويه وعلي بكرة تكون راقت
عنان عابسة الوجه : لا دي حلفتلي برحمة الميتين ، يعني مش هترجع في كلامها .. انا زهقت بجد
ليلان قابضه علي شفتيها : خلاص بقي متتضايقيش ، أبقي كلمي المدرب وأعتذريله بأي حجه
عنان عاقده حاجبيها : ………….
شيري بحده : ماانتوا زودتوها المرة دي ، بقي ده حكم تحكمي عليا بيه ياست عنان .. اهي اتعكت علينا
عنان ضاربه علي ذراعها : أحسن ، وبردو نفذتي الحكم
شيري مضيقه عينيها وبلهجه متسائله : تلعبي تاني ؟؟ وأراهنك أنك هتخسري
عنان مشيره بأصبعها بتحذير : بلاش تتحديني !
شيري واقفه في مكانها : لا بتحداكي .. وكمان هنسيبك تحكمي علي نفسك بس حكم يرضينا
عنان بنبره متحديه : موافقه
————————————————
في العاصمة الفرنسية _ ليون _
وهي أحدي أهم وأجمل المدن الفرنسيه في وسط وشرق فرنسا .. تقع ليون عاصمة قسم رون في منطقة الروب ألب وتعبر عن تاريخ طويل ومميزة ، وهي اليوم مركز اقتصادي مهم في فرنسا وثالث اكبر المدن الفرنسية وتتميز بوجود عمارة تاريخية عريقه