حمدي مصافحا إياه : أهلا بحضرتك
زين بنبره جاده : أهلا بحضرتك ، فين عنان
حمدي مشيرا بيده صوب أحد المقاعد الوثيره : طب أتفضل أستريح الأول ، أنت جاي من سفر
زين جالسا علي المقعد : شكرا
عنان بنبره شبه باكيه : زين ، مشيني من هنا
( أردفت بكلمتها وهي تأتي من خلفه عقب علمها بوجوده_ حيث كانت عيناها حمراوتين منتفختين من أثر البكاء .. فنهض عن مكانه ثم مسح عنها قطراتها اللؤلؤيه بأصابعه قائلا بنبره حانيه )
زين : أهدي طيب ، هنروح حالا
حمدي قابضا علي شفتيه السفلي : للأسف لازم الموضوع يتحل الأول مع البنت اللي أتضربت ، لأنها مصممه تشتكي عنان في القسم
زين جاحظا عينيه : ………
عنان بنبره متشنجه : هي اللي ضربتني الأول وحدفتني بالكوره
زين مربتا علي ظهرها: أهدي ، هي فين البنت دي ؟!
حمدي مشيرا بأصبعه للأعلي : هي فوق في أوضتها ،ثواني أجيبها يمكن تقدر تحل المشكله من غير نلجأ لأي وضع مش كويس
زين باأبتسامه عفويه : ياريت ، أتفضل
– ما أن ذهب السيد حمدي حتي عبست ملامحه وعقد حاجبيه بتذمجر ثم أردف قائلا
زين بحده : أيه رأيك في تصرفاتك ، شايفه نتيجة طيشك ياهانم
عنان رافعه حاجبيها : تصرفاتي !! ما هي اللي ضربتني الأول
زين ممسكا بذراعها : لسه حسابنا بعدين لما نرجع مصر ، عشان تبقي تسافري كده من دماغك
عنان مضيقه عينيها بضيق : يعني كنت بتعمل كده قدام مسيو حمدي وخلاص
زين مصرا علي أسنانه : مش أحسن ما أطلع منظرك زي الزفت و ………