– جذب عمرو أحد المقاعد ثم جلس وهو يهتف قائلا
عمرو بتهكم : هي إيمي دي مراتي وانا معرفش ، صحبتي يا جماعه زيها زي إي صاحبه ليا
ليلان بخبث : بس أنت عارف هي قد إيه بتغير خصوصا مننا
عمرو بتأفف : خلاص بقي متوجعوش دماغي ،خليني قاعد معاكوا شويه وحشاني أيام اعدادي اوي
عنان بنظرات متفحصه : ……..
رهف بهيام : يااااااه ، كانت احلي سنين قبل الثانويه وقرفها
عمرو ناظرا لعنان بنظرات غير مريحه : وأنتي بقي ياعنان ، عمري ما شوفتلك أي صاحب غير التلات بنات دول يعني
ليلان ناظره لعنان : أحنا كفايه عليها ، ولا ايه يا نوني ؟
عنان مؤكده : طبعا يا روح نوني
– حاول عمرو كثيرا التوصل لحديث مع عنان دون تدخل أولئك الفتيات ، وما أن لبث ينجح بذلك حتي ظهرت إيمي بنطرات مشتعله مغتاظه وتوجهت صوبهم بخطي متمايله
رهف بتنحنح : إيمي جايه ، ياريت تاخدها وتمشوا من هنا
عنان بحده : ياريت
إيمي بنبره ساخره : عشان كده بقي ياعنان مرضيتيش تستنيني انتي ورهف ، عشان تنزلوا قبلي وتستفردوا بعمرو
عنان رافعه حاحبيها ، محدقه بعينيها : انتي عبيطه يابنتي ، عمرو مين اللي أستفرد بيه أشبعي بيه يا شاطره
إيمي مصره علي أسنانها بغيظ : عارفه أنك عايزه تاخديه مني ، ماانتي محدش معبرك غيره
رهف بنبره حازمه : إيمي ، ياريت بلاش التصرفات دي
عنان ناهضه عن مكانها بأنفعال : ياحبيبتي اللي بتتكلمي عنه ده هو اللي يتمنالي الرضا أرضي وأنا اللي مش معبراه
عمرو محدقا : هاا ، ليه كده بس يانوني .. اهدي يا إيمي انتي فاهمه غلط
أيمي بأنفعال جلي : لا فاهماها صح أوي ، عشان كده طالعه معانا أنا عارفاها كويس
عنان متحكمه بأنفعالاتها : أنا هامشي قبل ما أصور قتيل هنا
أيمي بحده : لو جدعه تسيبي الفوج وترجعي ، انتي دمك تقيل جدا صراحه
عنان بنبره بارده مثيره للأستفزاز : بعينك ، قاعده فوق راسك