زين بصوت حازم : انتي اتجننتي ، بتعضيني وأنا اللي بصلح اللي هببتيه
عنان واضعه يدها أوسط خصرها : بتصلح ولا بتعلق البت ، ياريتني ما جيبتك
زين مضيقا عينيه بغضب : تصدقي انا فعلا غلطان ، كان المفروض اخليها تعمل فيكي محضر وتحوله للنيابه وتبقي رد سجون ياهانم
عنان موجهه بصرها للجهه الاخري : …….
زين شابكا ذراعيه أمام صدره : سكتي دلوقتي يعني ، فين لسانك اللي طوله مترين
عمرو أتيا من الخلف : عنان ، انتي صحيح مش هتكملي الرحله
( قالها وهو يأتي من خلفهم ، في حين نظر إليه زين بتفحص من الأعلي للأسفل ، وللحظه خطر ببال تلك المشعوذه الصغيره رد الصاع صاعين لذلك الفرنساوي ، فأردفت :
عنان بدلال : اه صح ياعموره ، معلش مش هقدر اكمل الرحله معاكو ، الرحله الجايه بقي حتي عشان متبقاش أم اربعه واربعين دي موجوده
عمرو ممسكا كفها برفق : بليز متمشيش ، خليكي معانا وأنا أوعدك مش هخليها تزعلك تاني
– أشتعلت عيني زين من تصرفات عمرو الجريئه معها فقرر التدخل بينما ، حيث دفع يده عنها قائلا
زين بحده : لا مش هتقعد ، هترجع معايا
عمرو عاقدا حاجبيه : مين الأستاذ ؟
زين بنبره منفعله : جوزها ، الأستاذ جوزها
عمرو مبتلعا ريقه بصعوبه شديده : جج جو جوزها ؟!
عنان بتوجس : ……
زين متابعا : والقمور يطلع مين ؟!
عمرو لاويا شفتيه بتهكم : اسمي عمرو
زين باأبتسامه مزيفه : حصلنا الزفت الشرف
عمرو بنبره معاتبه : امتي ده حصل وازاي ياعنان ؟
عنان باأرتباك : لا هو مش جوزي ، قصدي يعني هو جوزي بس ، اصل لا ااه …….
عمرو رافعا حاجبيه : اه ولا لأ ؟!
زين ببرود : وأنت مالك ؟!
عمرو بحرج : صحبتي وحقي اطمن عليها
زين بتهكم : صحبتك ، جميل اوي الكلام ده .. يلا ياهانم ولينا كلام لما نرجع
عمرو واضعا يده علي زراعها : حاولي ياعنان تخلي…….
زين دافعا يده بقوه : أوعي إيدك ياشاطر بدل ما أعمل معاك اللي ميصحش يتعمل
عنان بنبره متمايعه : سوري ياعموري ، اصل زين عصبي شويه اااه