رهف بنبره غير مباليه : أيوه يبقي جوزها
شيري باأقتضاب : بتسألي ليه في حاجه؟
إيمي كابحه أنفعالها :أبدا ، أندهشت بس
ليلان بخبث : لا متندهشيش ، أنا لازم أمشي عشان عندي كورس
شيري : خدينا معاكي
إيمي بنظرات حانقه : بنات بارده جدا
_ بعد أن قام زين بمهمة توصيلها للفيلا كاد أن ينصرف عائدا للمصنع إلا أنها أستوقفته لكي تتطرق معه في حديث هام ومصيري بالنسبه لها
زين فاغرا شفتيه : باليه ! من أمتي وانتي بتلعبي باليه
عنان باأرتباك : من زمان
زين بنبره حانقه : لا أنسي زمان وأمور زمان دي، باليه أيه وبتاع أيه .. مبحبوش
عنان رافعه حاجبيها : مبتحبوش !! وأنا مالي هو أنت اللي هتلعب ولا أنا
زين بنفاذ صبر : بصي .. عايزه تلعبي اي حاجه ألعبي أنما باليه لأ ، لبسهم مبيعجبنيش
عنان عاقده حاجبيها بغيظ ، واضعه يديها وسط خصرها : أفندم ، أنت أعتراضك علي اللبس .. ماليش دعوه الفريق الكولمبي وصل مصر وفي مسابقه لازم أحضرها
زين باأصرار : وأنا قولت لأ ومفيش
عنان بتحدي : لأ في
زين مضيقا عينيه بأنفعال : أنتي بتتحديني ، أوكي مفيش باليه ووريني هتعملي أيه ياهانم
عنان بنبره مرتفعه : أستني هنا أنا بكلمك ، أنت ياأستاذ…..
_ تركها تأكل نفسها من الغيظ حيث أنتابها شعورا بالذعر لمجرد التفكير أن فرصتها في مواجهة ذلك الفريق المنتظر سوف تفقدها.. فأن ذلك الأمر بمثابة الحلم لها لذا قررت عدم اليأس والمحاوله مرات ومرات .