_أحضرت فله أدوات النظافه المختلفه لهن ليبدأن بأصلاح ما أفسدوه ، فأردف بلهجه أمره
زين مشيرا بأصبعه : أنتي هتنشفي الحيطان وتنضفيها ، وأنتوا الأنتين الأرضيه وأنتي ياهانم هتنضفي التربيزه وكل اللي حواليها
رهف محدقه : اا أيوه بس….
زين بلهجه أمره محذره :هطلع أغير هدومي اللي بهدلتوها وأخد شاور محترم وأنزلكوا تاني .. لو لقيت المكان هنا مبقاش أحسن من الأول ياويلكم مني، هخليكوا تنضفوا الفيلا كلها فوقها وتحتها
عنان فاغره شفتيها :………..
صعد زين لحجرته ومنها دلف للمرحاض لكي يغتسل عقب تلك المياه الغازيه التي أفسدت ملابسه ، فكلما تذكر مشهده يصر علي أسنانه بقوه ويتملكه الغيظ الشديد ، ولكن كانت للمياه الساخنه ذات السحب البيضاء أثرا كبيرا في التهدئة من روعه .. وبعد أن أنتهي أرتدي ملابسه المكونه من بنطال رصاصي قطني المبطن بخامه ناعمه تزيد من حرارة الجسم في الشتاء ويعلوه أحد (التي شيرتات) القطنيه ذات الماركه الفرنسيه من اللون الكحلي القاتم .. ثم مشط بصيلات شعره القصير وتوجه لهن في الأسفل
رهف ماسحه بكفها علي رأسها : أنا تعبت
شيري ملقيه بجسدها على الأرضيه : أنا محصليش كده قبل كده
عنان بنبره متهكمه : تستاهلوا، عشان قولتلكوا بلاااااش
زين هابطا درجات الدرج، متأملا المكان حوله : ماشاء الله، تنفعوا ستات بيوت والله
شيري هامسه بتهكم : ده أنت مفتري، ربنا على الظالم
زين مضيقا عينيه : الاستاذه أم أخضر، بتقولي حاجه
شيري بنبره متعلثمه : لا لا
ليلان بنبره هامسه : مش أنتي مراته
عنان لاويه شفتيها باأمتغاض : بيقولو كده
شيري بنبره خافته : طب ما تتصرفي
عنان بضحكه ساخرة : ولا هعرف أعمل حاجه
زين مشيرا بأصبعه للأعلي : تعالوا ورايا على فوق
رهف بنظرات زائغه : هو عايز أيه تاني
عنان بتأفف : معرفش أنا زيي زيكوا
زين بنبره أجشه : يلا بلاش لكاعه، وهاتوا الحاجه دي معاكوا