عنان : معلش ياجدو صدعتك، بس أنت عارف قد أيه بحبك ومش برتاح غير وأنا بكلمك ، أنا مسافره بكره الصبح ياجدو ، مسافره ومش عارفه هرجع تاني ولا لأ، اللي أعرفه أني مش هرجع غير وأنا أنسانه تانيه أوعدك ياجدو.. أوعدك
_ نهضت عن جلستها القرفصاء ثم نفضت ثيابها التي تأثرت بالأتربه وبعدها توجهت للخارج ثم أغلقت الباب الحديدي خلفها جيدا وذهبت لمنزلها حيث وجدت رفيقاتها هناك
شيري بملامح عابسه : بقي كده ياعنان ، عايزه تسيبينا وتمشي
ليلان مكفهرة الوجه : ليه متكمليش هنا في أي جامعه كبيره حتي لو خاصه
رهف : خاصه ليه، أنتي جايبه مجموع كبير يانوني وأي كليه تتمناكي
عنان بتنهيده : خلاص كل حاجه جهزت وأنا مسافره الصبح ، وبعدين هتقضوا اليوم كده بؤس ونكد .. أنا مسافره الصبح ومش عايزه أمشي وأنتو زعلانين كده ، قوموا يلا أنا حملت فيلم جديد وهعمل فشار وعصير وأجيب المكسرات وأجي
ليلان لاويه شفتيها بتذمجر :…….
شيري : ماليش نفس
رهف موجهه بصرها للجهه الاخري : ولا أنا عايزه
_ نهضت عنان عن مكانها ثم توجهت للخارج بعض الوقت ، ثم عادت حامله بيدها صحناً كبيرا مملوء بذرة الفشار وأبريقا يحمل مشروب الأناناس المفضل لديهن وجلست بينهن بعد أن قامت بتشغيل أحد الأفلام السينيمائيه الجديده وشرعت في ألتهام ذره الفشار في حين نظرن لبعضهن بحيره ولم يكن في وسعهن سوي مشاركاتها تلك اللحظات الآخيره ، فمن يعلم متي سيرون بعضهن مره أخري