– أمسكت بذيل فستانها الطويل ثم أنطلقت صوب عنان ممسكه بأحد أكواب مشروب الأناناس المفضل لدي عنان .. حيث ألحت عليها بأحضاره لها لأشتهائها أرتشافه
رهف بتهكم : اللي اعرفه المفروض تشربوا شربات ، م اناناس
عنان باأبتسامه واسعه : هاتي بس ، نفسي فيه
رهف بأندهاش : ………………..
شيري : تعالي يالولو نتصور مع عنان
ليلان بتلهف : اه اه ، تعالي ناخد سيلفي
– توجهت الفتيات نحوها حيث شرعوا في ألتقاط الكثير من الصور ، في حين وصل زين لزروة أنفعاله من تصرفاتهن الرعناء فقرر النهوض عن مكانه وتركهن قليل من الوقت ليستمتعن سويا ، ثم توجه لأبناء أعمامه
إيهاب بمزاح : قومت ليه ياعريس ما كنت تاخد معاهم سيلفي بوز البطه
زين بمرح مصطنع : سيلفي بوز الأخص ، ده شغل عيال يابني والله
وليد بقهقهه عاليه : ياعم عيش معاها سنها ههههه
زين : وأنا اصغر نفسي لسه ، خليها هي عايشه سنها بعيد عني
إيهاب بخبث : وأنت ملبسها الچاكت بتاعك ليه يازيزو ، الجو برد عليها ولا أيه
زين بعدم أهتمام : لا وأنت الصادق ، عشان محدش عينه زايغه ياكلها بعينه اللي عايزه تتخزق
إيهاب ناظرا أليهم ( الفتيات ) : بس أصحابها جامدين جدا ، خصوصا البت أم فستان طويل .. شكولاته ماشيه علي الأرض
زين بحده : بقولك ايه ياأيهاب : البنات دي أهليها موجودين في الفرح مش عايز مشاكل مع حد ، خلي الليله تعدي
إيهاب ببرود : أكيد هتعدي ، سيبك أنت .. عن أذنكوا