إيهاب عاقدا حاجبيه وبنبره أسفه أردف : أنا خجلان منكم أوي ياجماعه ، بس صدقوني أنا مش عارف أستاذ زين ناوي علي أيه بشأنكم
العامل 1 : يعني أيه الكلام ده ياسي أيهاب بيه ، أحنا ورانا كوم لحم يابيه وأنتوا عايزين تشردونا أحنا وعيالنا
العامل 2 : والله ده ظلم وربنا ميرضاش بكده أبدا ، أحنا لينا سنين شغالين في المصنع ومحدش فينا قصر
العامل 3 : أيوه يابيه سنين وأحنا في خدمتكم وأوامركم تطاع وفي الأخر هترمونا في الشارع
_ تنهد إيهاب بضيق مصطنع ثم هز رأسه في أسف وأطرق رأسه وهو يهتف
إيهاب : ياريتني كنت أقدر أساعد ، وربنا وربنا ما أتاخر
العامل 4 بنبره مرتفعه : حرام عليكوا ياخلق حرام
_ في أيه ياأخينا أنت ، هو أيه اللي حرام !
(هتف وليد بجملته الأخيره تلك أتيا من خلفهم حيث أستمع لبعض الكلمات بينهم وقرر التدخل)
العامل 3 : ياسعات البيه هو أنتوا شوفتوا مننا حاجه وحشه لا سمح الله؟
وليد قاطبا جبينه في حيره : ربنا ما يجيب وحش، خير يا حج
العامل 4 بوجه عابس متشنج : مش حرام لما تستغنوا عننا وتجيبو ناس الافرنكه.. ده أحنا خدمناكم بعنينا
وليد رافعا حاجبيه بذهول : نستغني عنكوا ! مين قال الكلام الفارغ ده
العامل 2 : أمال الناس الجديده دي جايه ليه والكلام اللي كان جوا ده لزومه أيه ياسعات البيه
وليد بنبره محتده حازمه : أنا مبحبش الأشاعات ولا اللي بيطلعوها ، أعتقد كلام أستاذ زين مجاش فيه حاجه تخصكم نهائي ، ولو حابين تتأكدوا نقدووا تدخلوا عنده