يوسف : كده حاتم هيسافر
ماجد : لا حاتم لسه عريس سبوه شوية كمان مع مراته
عامر : بس حاتم المسؤل عن السفر
ماجد : قولت لا انا هسافر
يوسف بضحك : بتحبه انت
ماجد : انا بحب مليكة و مش عوزها تزعل بالذاد ان طول عمرها بتشوف حاتم هو اللى بيسافر وانتم لا فهمتم بس لو على الحيوان حاتم اسفره من دلوقتي
عامر بضحك : خلاص انا هسافر
ماجد : علشان نقفل الشركات هناك ونقعد نقشر بصل خلاص انا هسافر خلال الاسبوع الجاي بعد ما حاتم ينزل الشغل معاكم
يوسف : اللى تشوفه حضرتك
ماجد : يالا كل واحد على مكتبه
جلس ماجد يباشر أعماله ولكن اعلمته السكرتيرة بوجود اتصال له من امريكا
ماجد : اذيك استيفن
استيفن : اهلا ماجد اذيك
ماجد : مش ناوي تيجي مصر بقي
استيفن : لا جاي هوصل بكرا
ماجد : تنور استيفن تكون فى انتظارك
أغلق ماجد معه وغادر الشركة وعاد الى القصر حتى يستريح
فى المساء
تجمع الكل على السفرة ووجدو جميع الاكل الذي تعشقة مليكة فقط
يوسف بغيظ : مش انا طلبت منك سمك
ملك وهى تطعم مليكة : لوكا مش بتحبه
مايسا : يالا حبيبتي كلي ديه كمان
مليكة : والله باكل ارحمونى شوية الحقنييا حاتم
حاتم : لا براحتكم اكلوها كويس علشان كانت مغلباني من قله الاكل وتعبت مني
ملك بشهقة : يالهوي كده لوكا بردو اهملتي فى اكلك
مايسا : ماشي لوكا شوقى بقي مين هيسمحلك تقومي من مكانك قبل متخلصي الاكل ده كله
ماجد : عوزكم تجهزو الجناح الغربي
ملك : حاضر عمي بس ليه
ماجد : استيفن هيوصل بكرا
مليكة بفرحة : بجد ده وحشني اوي