تحاملت أسيل على نفسها وصعدت إلي غرفتها وتركت ورائها الجميع مصدوم وعندما نظرو وجدو ماجد يقف أمامهم فخور بما قالته تلك الصغيرة ونظر لهم نظرة سخرية وصعد الى الاعلي
فى غرفة أسيل
كانت تجلس وتنظر إلى السماء بحزن و برود وصلابة فشعرت باحد يضع ايده عليها وعندما لفت وجدته جدها
أسيل بفرحة : جدو حبيبي حمدلله على السلامة وصلت امتي
ماجد بحنان : وصلت من شويه يا قلبي
أسيل : عقبال متاخد دش هجهز الاكل انا بقيت بريمو فى عمايل الاكل
ماجد بحنان : ماشي يا قلبي روحى وانا هاجي اساعدك
أسيل بضحكة : بقي ماجد بيه العمري هيقف فى المطبخ يادي الهنا و السعادة
ماجد بضحك : شوفتي بقي اتنزلت علشان العيون الزرقة اللى مجنناني
أسيل بتسبيل : وصاحبة العيون الزرقا بتعشقك يا احلي بابي و جدو وأخ و أم فى الدنيا
ماجد بضحك : يالا يا بكاشة على المطبخ
أسيل بتكبر : من فضلك انا الشيف أسيل العمري مش اي حد
ماجد : طبعا و احلى و اجمل شيف فى الدنيا
اسيل بأمل : عارف ميجو انا نفسي افتح مطاعم كتير وكمان نفسي يكون عندي مزارع خضار و فاكهه وحيوانات تبقي ملكي انا وبس
ماجد : خلصي تعليمك الأول وانا معاكي يالا يا قلبي انا هموت من الجوع
أسيل وهي تقدم التحية العسكرية : اومرك حضره القائد