في غرفة أسيل
صحيت أسيل ووجدت نفسها بين احضان جدها فوضعت قبلة على خده وقامت وتوجهت إلى الحمام واخذت دش ولبست ملابسها وخرجت صلت وجلست ووجدت الوقت مبكر على إيقاظ جدها فمسكت لاب توب الخاص بجدها والأوراق الخاصة بالعمل والغريب انها بدأت تشاهد الأوراق بتمعن شديد ولكن وضعته مكانه وفتحت الاب توب وأخذت تلعب لعبها الإلكترونية الموجودة عليه
لك تشعر أسيل بالوقت ولكن شعر بقبله على رأسها فبتسمت لحنان جدها الطيب
ماجد بحب : صباح العسل ايسو
أسيل بفرحة : صباح الورد بابي
ماجد بستغراب : انتى بتقوليلي بابي
أسيل بتأكيد : ايوة انت من النهاردة بابي و مامي و جدو واخويا وحبيبي وكل حاجة بالنسبة ليا فى الدنيا ربنا يخليك ليا ميجو
ماجد بسعادة : ويخليكي ليا يا قلب ميجو هدخل اخد دش وبعد كده هنفطر علشان هروح مشوار سوا هيفرحك اوي
أسيل بحنان : انت سر فرحتي و وجودي لسه فى الدنيا
توجه ماجد واخذ دش ولبس وصلي الضحي وجاء الفطار وبعد تناولهم اخذ أسيل ونزلو الى الاسفل
فى الاسفل
جلس الجميع على السفرة فى انتظار نزول ماجد ولكن وجدو مايسا بدأت بالاكل ومعها ملك
عامر : مايسا بابا لسه منزلش
مايسا بسخرية : زمانه نازل رايح الشركة
يوسف : يعني مش هيفطر
ملك بسخرية : لا فطر مع الملعونة اصل امبارح جت خدامة والحرس كانو شيلين شنط كتير ولما سألت عرفت انهم جيبين اكل و عصير و فاكهه وحلويات للملعونة وكمان عمي نقل كل هدومة للاوضة بتاعتها علشان يفضل جمبها
مريم بدموع : هو ليه بيحبها اكتر مني المفروض يحبني انا اكتر او يحب منه
مازن بحنان : بلاش دموع يا قلبي أصلها لعنه ومسيطرة عليه ولازم نستحمل ان شاء الله هتموت و نستريح منها
جاسم : بس هى عاشت اذاي ومين اتبرع ليها بالدم
عامر : انا لما سألت فى المستشفي قلولي ان جدك طلع ومعاه شاب حوالى 16 او 17 سنة وتبرع ليها بكمية اكبر من اللى عوزنها
مايسا : والواد ده نفس الفصيلة
يوسف : لا فصيلة نادرة ذيها هما الاتنين يدو كل الناس ويخدو من بعض بس ميخدوش من ولا فصيلة تانية
ملك بغل : ياريتهم سبوها تموت افيد