اتصل أحمد عليهم وعاد وجلس بجواره
احمد : انا اول مرة اسمع عن فصيلة الدم ديه
ماجد : ديه نفس فصيلة جدى ابو امي و كمان جاسم اخويا الله يرحمه
احمد : تفتكر ممكن يكون حد منهم نفس الفصيلة
ماجد بتنهيدة : هنقول يا رب
وبعد اقل من ساعة وصل الجميع
عامر : مالك يا بابا انت كويس
ماجد : هطلب منكم طلب
جاسم : اتفضل يا جدو
ماجد : أسيل محتاجة دم ممكن تساعدوها
يوسف : وحنا مالنا يكش تموت ونستريح
جاسم ببرود : انا لو نفس الفصيلة عمري مديهلها
ماجد : تمام تقدرو تمشو
عامر : تمام سلام احنا ورانا شغل أهم منها
غادرو الثلاثة ونزل ماجد الجنينة يبكي على ما وصل إليه الجميع ومن شده كرههم لتلك اليتيمة
شعر ماجد بأحد يضع ايده على كتفه وعندما رفع ماجد وجه وجد أمامه شاب طول بعرض لغاية الوسامة
ماجد : انت مين
الشاب : انا لقيت حضرتك بتعيط قولت اساعدك
ماجد : مينفعش حد يساعدني
الشاب بهدوء : ممكن تحكي ليا
ماجد : حفيدتي بتموت ومش لاقي حد يساعدني
الشاب بابتسامة جميلة : ولا تحمل هم حفيدتك هتتعالج على حسابي الشخصي
ماجد بابتسامة حزينة : لا يا ابني انت فهمت غلط انا الحمد لله رجل اعمال ومعايا فلوس كتير
الشاب بستغراب : طيب حضرتك محتاج مساعدة ايه
ماجد : محتاج فصيلة دم بس نادره جدا
الشاب : اسمها ايه
ماجد : اسمها Rhnull
الشاب بابتسامة : طيب تعالي تروح للدكتور وانا مستعد للتبرع
ماجد بفرحة : وانت نفس الفصيلة
الشاب بابتسامة : لا انا فصيلة تانية بس نادره جدا وينفع ادي أي فصيلة
احمد : ماجد بيه هنعمل ايه دلوقتي
ماجد بفرحة : ربنا كريم وعمره مهيسبنا تعالي معايا يا ابني نروح للدكتور