كان احمد يقف فى انتظار ماجد ومعه مجموعة كبيرة من الحرس وعندما خرج ماجد فتح له الباب وركب ماجد وبجوارة احمد ونطلقو نحو المستشفي للاطمئنان على الصغيرة
فى المستشفي
وصل ماجد والحرس ونزل دخل إلى غرفة العناية المركزة للاطمنان على صغيرتة الذي من اليوم سيحرص ان تكون ابنته وليس حفيدتة
ماجد : فين الدكتور
احد الحرس : حالا يا فندم هروح اجيبه
ماجد : تمام أحمد
احمد : تحت امرك
ماجد : عاوز ادخل ليها اتصرف
احمد : الدكتور يجي بس ونطمن وتدخل تشوفها
بعد فترة جاء الدكتور ودخل يطمئن على أسيل وخرج حزين على تلك الطفلة الصغيرة
ماجد بلهفة : أخبارها ايه
الدكتور بحزن : الحمد لله بس لازم نقلها دم علشان دمها مش نقي
ماجد بلهفة : خد مني اللى عوزة
الدكتور : تمام اتفضل حضرتك على المعمل يعملو شوية تحاليل شاملة علشان نطمن
ماجد : تمام
الدكتور : ماجد بيه حضرتك بتشتكي من اى مرض
ماجد : عندي القلب و الضغط
الدكتور باسف : مينفعش حضرتك فين والدها أو اي حد من اعمامها وعلى فكرة هي فصيلة دمها Rhnull وديه فصيلة نادرة جدا هكون فى المكتب لغاية ميوصلو بعد اذنك
ماجد بكسرة : هنعمل ايه دلوقتي يا احمد
احمد بحزن : ربنا يهديهم ويحنو عليها يالا بينا نروح ليهم
ماجد : لا اتصل عليهم خليهم يجو هنا