عامر : بابا انت قاعد كده ليه انت كويس
ماجد بنظرة حزن : اطمن وطمن الكل البنت بين الحيا و الموت
يوسف : بابا سيبك منها انت ليه بتحبها اوى كده عندك بدل الحفيد 4 اهتم بيهم وسيبك من الملعونة ديه
ماجد وهو يقوم : ربنا يهديكم لنفسكم وليها انا مش هدعي عليكم تاني انا هطلب من ربنا انه يهديكم
صعد ماجد الى غرفته وبدل ملابسه وتوجه الى غرفة اسيل ونام على السرير وهو يبكي بشدة أجل ماجد العمري الرجل الصلب والقوى والقاسي امام الناس يبكي على حفيدته الصغيرة التى حرمت من امها منذو الولادة ومن ابيها وهو على قيد الحياة استمع ماجد لاذان المغرب فى الهاتف فتحامل على نفسة وتوجه الى الحمام وتؤضا وعاد إلي الغرفة ووضع الكرسي اتجاة القبلة وصلي السنة و المغرب وتساقتط دموعه وهو بين يد الرحمن الرحيم الغفور العدل
ماجد بدموع : يا رب اشفيلي حفيدتي ورجعهالي بالسلامة يا رب اديني طوله العمر والصحة علشان مسبش اليتيمة ديه لوحدها يارب انا عبدك الفقير يطلب منك الرحمه لحفيدتي يا رب بحق اسمائك الحسني ارحم حفيدتي يا رب بحق نبينا الكريم اشفيها ورجعنا ليا سليمة
انهي ماجد صلاته وجلس يسبح ووجد أحد الخدم يطرق عليه الباب و تدخل وهي تحمل صنية مليئة بالطعام ووضعتهاا أمامه