سما بخضة : هي ليه الاوضة بالأسود
ماجد : معلش أصلهم بيكرهو الطفلة
سما : تمام
ماجد بجدية : لو اهتميتي بحفيدتي كويس هبسطك وهتخدي مبلغ اكتر من المبلغ المتفق عليه بس لو زعليها والله العظيم هخليكي تتمني الموت ومش هتوصليله مفهوم
سما : مفهوم يا فندم
ماجد : ممنوع البنت تنزل تحت عندك البلكونة خليها تقعد فيها والأكل بتاعك و بتاعها بعد شوية هيتعمل مطبخ صغير هنا وهيتملي بكل حاجة
سما : مفهوم يا فندم
ماجد : يالا شوفي شغلك
توجهت سما وحملت أسيل وتوجهت الى الحمام حتي تحممها وتنعش جسدها ووجدت أصابع على وجهها علمت بأن أحد قد ضرب الطفلة وبعد انتهائها جلست على الكرسي فى البلكونة و بين أحضانها أسيل
سما بحنان : مين يكره الملاك ده ما شاء الله عليكي انتى حلوة اوي اللهم صلي على النبي و انتى كمان هادية اوي كانك حاسة بموت امك وكره الكل ليكي على العموم ربنا يقدرني و فضل معاكي و احبك تعالى بقي ناكل شكلك جعان ايه ده هو مفيش تلفزيون هنا هبقي اقول لجدك يجيب واحد علشان تتفرجي عليه ماشي
ماجد : هو ايه ده
سما بفزع : حرام عليك خضتني
ماجد : معلش يا بنتى انا خبط بس انتى مردتيش فدخلت
سما : ولا يهم حضرتك
ماجد : كنتى عوزة ايه علشان اجيبه
سما : كنت عوزة تلفزيون علشان أشغل ليها الكارتون وتتفرج عليه علشان مينفعش تنزل تحت
ماجد : تمام هخلي الحرس يجيبو واحد حالا
سما : شكرا يا فندم