قام ماجد وهو يحمل الطفلة وهى تبكي فى صمت دون إصدار اي صوت وتوجه الى السلم وبعد صعودة كذا سلمة سمع الجميع صوت صراخ وخروج خادمة تعلمهم بوفاة دادة فاطمة فأسرع الشباب الى الغرفة وجدوها تنام بهدوء و راحة
نزلت دموع الشباب على تلك السيدة التى ربتهم وكانت بمثابة أمهم الثانية
حاتم بدموع : شفت يا بابا اهي أمنا التانية ماتت صدقت دلوقتي ان الشي اللي بين ايدك ده لعنة ولازم نسمع كلام ملك
عامر بدموع : لا الشي ده هتروح الاوضة بتاعتها ومحدش هيشوف وشها علشان الصحافة بس مايسا خلي الخدم يخدوها ويحطوها فوق
مايسا : حاضر عامر
توجهت إحدى الخدم وحملت الطفلة وصعدت بيها الى الجناح الغربي ووضعتها فى غرفتها على السرير وغادرت الغرفة بأمر من مايسا
تجهز الجميع لنقل الداده فاطمة الى مثواها الأخير ولم يهتم أحد لتلك الطفلة التى تبكي من شده الجوع وألم خدها نتيجة الصفعة كان قلوبهم نزعت منها الرحمة و الإنسانية
مر باقي اليوم ولم يتوجه اى شخص لتلك اليتيمة للاطمئنان عليها
في الصباح
نزل الجميع الى الاسفل وجلسو لتناول طعام الإفطار
ماجد : جاسم ابقي خت اخواتك وطلع العب مع اختك الصغيرة
جاسم : اختي الصغيرة مين
ماجد : بنت عمك حاتم اسمها أسيل ابقي العب معاها
جاسم بغضب : انا مش بلعب مع اللعنه ديه لانها السبب فى موت لوكا وانا بكرها ولو شفتها ادامي هضربها
ماجد بحزن : فين أسيل مايسا خليتي حد يعملها اللبن النهاردة
مايسا بلا مبالاة : معرفش حاجة عنها من امبارح
ماجد بصدمة : يعني البنت مكلتش من امبارح ولا حد اهتم بيها منكم لله منكم لله هي فين
ملك : فى الجناح الغربي