أسيل : رابعا
سادن : نسيتي ثالثا
أسيل : صح ثالثا الفرح هيتعمل فى فندق اللؤلؤة
سادن : بس الفندق لسه متفتحش انا سامع انه محجوز لسنتين قدام
أسيل : صح بس بأمر مني هيتفتح وهنعمل الفرح فيه
سادن : لوني مش فاهم بس تمام
أسيل بجدية : رابعا والأهم انت مش هتجيب هدوم معايا انا هنزل انا سوفي اجيب الباقي اللى ناقص
سادن : لا مليش دعوة انا هنزل معاكي ولا اقولك انا هجيب على ذوقي وانتى كده صغننة وأكيد مقاسك معروف هاتي انتى لبس الخروج
أسيل بجدية : انا مش هسيب شغلي اسدي
سادن بتنهيدة : بس هيبقي معاكي حرس إنا عمري مهمنعك عن شغلك وحياتك انا عاوز أكون جزء منك مش ابعدك عن كل حاجة جنتي انا مجنون وطماع فى حبي وانتي اول و اخر ست في حياتي ومش هدخل ست غيرك حياتي
أسيل : وانت كمان اسدي الراجل الوحيد والأخير في حياتي ربنا يجعلك سند وظهر ليا طول عمري
سادن بغيظ : يعني يا رب بنوتة ذي العسل و كلامها شهد وقاعدة فى حضني معرفش ابوسها
أسيل : سادن احترم نفسك طيب الفرح هيبقي بعد شهر ونص أكون جهزت نفسي و كمان يكون الفندق جهز وكمان الجناح جهز اشطا
سادن : اشطا يا موزتي بقولك ايه تعالي ناكل اصلي جعان
أسيل : لا يا اسدي احنا المفروض نروح لجوجو علشان نعرفه موعد الفرح
سادن : ناكل الأول وبعد كده نروج لجورج يالا
أسيل : عربيتي تحت
سادن : هخلي الحرس يبعتوها المطعم يالا
أسيل : صحيح اسدي فين حق العربية اللي ختها من المصنع
سادن : نعم يا ختي حق العربية ليه عوزة نص مليون يا مفترية مش كفاية انا داخل على جواز ومحتاج مجهود
أسيل ببرود : المهم اسدي الفلوس تدخل حسابي تمام يالا بيبي نلحق نروح ناكل ومشيت
سادن : ايه البت ديه بس عسل ابيض استني يا جنتي