رواية اسير صورتها الفصل الثاني 2 بقلم دفنا عمر – للقراءة المباشرة والتحميل pdf

نال قسطا من النوم .. واستعد للتنزه مع اخته وحبيته الصغيرة ريناد

ام جواد : بقولك ايه ياحبيبي .. قبل ماتتفسحوا عايزاك الاول تصورلي

حبيبة جدتها بفستان العيد .. اعملها كام كارت في الاستوديو ..

عشان احتفظ بيهم لما تسافر مع نهي لابوها..

جواد : هو في حد لسه بيصور في الاستوديو يا امي غير صور اوراق رسمية .. ممكن اعملك ليها علي التليفون فيديو كليب مش بس كام صورة. ده غير اننا بنكلمهم فيديو من ماسينجر وبتشوفيهم براحتك ..

ام جواد باعترض : كليب ايه وماجينجر ايه يابني

انا ماليش انا في اللخبطه بتاعتكم دي

انا بعملها ألبوم صور من يوم ولادتها .. وبحب اصورها كتير عشان لما تكبر يبقي الالبوم ده ذكري حلوة ليها وتفتكرنا بيها …

جواد ضاحكا علي نطقها لكلمة ماسينحر : ماجينجر ؟؟؟

لا خلاص سيبك من الكلام الفارغ ده ..ولا يهمك ياست الكل انتي تؤمري وانا انفذ …حاضر .. هروح الاستوديو واصورها …!!!!!

____________________

لافندر : يابنتي أمشي انتي وهي..

صور ايه اللي نتصورها في الاستوديو .. امال الاختراع اللي طلع ده بيعمل ايه .. ملوحه لهما بهاتفها ..

سما : وفيها ايه بس يا لافي .. صور للذكري ..نحتفظ بيها اضمن