رواية اسيرة عشقه المميت الفصل العشرين 20 بقلم حبيبة خالد – للقراءة المباشرة والتحميل pdf
— تجوز عليا إيه يا بنت المجنونة أنتي هو أنا قادر على نكد واحدة لما هقدر على التانية وبعدين تعالي هنا
سحبها حضنه أكتر لدرجة إن مكنش في بينهم نفس، وبص في عينيها بنظرة تملك جبارة دوت في كيانها:
— أنا لو زهقت من الدنيا كلها عمري ما أزهق منك ي ميسو بس اليوم كان طويل وأنا راجل لحم ودم يا ميساء مش حديد بطلي عياط وجننتيني معاكي
ميساء سكتت فجأة وبدأت تتمسح برقة في رقبته تاني بـحركة خلت رؤوف يغمض عينيه باستسلام وبدأت تقبله في رقبته بنعومة القطة وهدوء غريب وهي بتهمس بشهقات وعينيها لسه بتلمع بالدموع وهي دافنة وشها في رقبته:
يعني انت بتحبني
رؤوف اتنهد تنهيدة حارة خرجت من أعماق صدره وشدد من قبضته على خصرها وهو بيغطس وشه في شعرها وبيستنشق عطرها اللي بيجننه وقال بصوت واطي وأجش:
— أحبك إيه بس.. ده أنتي اللي في القلب يا ميسوو وبعدين مالك يبت كده اظبطي ومتعيطيش واهددي
ميساء أول ما سمعت كلمة اظبطي دي شفتها اتهزت وزعلت أكتر وراحت دافنة وشها في صدره باندفاع وهي بتشهق شهقات متقطعة وبدأت تتمسح في قميصه بـ مناخيرها زي القطة اللي بتدور على أمان وقالت بصوت طفولي مهزوز:
— مش قادرة أظبط.. أنا مش عارفة مالي يا رؤوف.. حاسة إني عايزة أعيط وعايزة أضحك وعايزة أفضل لازقة فيك كدة وماتتحركش خالص وأنت ليه بتقولي اظبطي أنت زهقت مني صح يرخم