رواية اسيرة عشقه المميت الفصل العشرين 20 بقلم حبيبة خالد – للقراءة المباشرة والتحميل pdf

عينه احمرت وعروق رقبته برزت من كتر الغضب وجز على سنانه وهو بيقرب منها بـ هيبة مرعبة وصوته طلع زي الرعد:

— بتقولي إيه يا روووووح أمك… مش طايقة مين

أنتي اتجننتي يا ميساء.. أنتي فاكرة نفسك بتكلمي عيل صغير بتلعبي بيه… تفتحي المحبس وتقفليه على مزاجك

ميساء اتخضت من صوته بس كملت في جنانها وقالت:

— آه مش طايقاك.. اخرج بره الأوضة دي مش عايزة أشوفك

رؤوف هبد الكومودينو بإيده هبدة كانت هتكسره

وزعق فيها بـ أعلى صوته وهو بيشاور بصباعه في وشها:

— كلمة تانية وقسم ربي يا ميساء لأكون حبسك في الأوضة أنتي فاكرة إن دلالك ده هيمشي عليا أنا المعلم رؤوف يا بت مش واحد هفأ تلعبي بمشاعره وتتشرطي عليه.. لمي نفسك واقعدي عدل بدل ما أعدلك أنا بطريقتي اللي مش هتعجبك

ميساء أول ما شافت عينه بتطلع شرار وصوته اللي زلزل الحيطان التحدي طار من عينيها وحل مكانه رعب حقيقي شفتها بدأت تترعش وانفجرت في عياط هستيري وشهقات تقطع القلب ورمت نفسها على المخدة وهي بتصرخ بدموع:

— أهئ أهئ.. أنت بتزعق لي يا رؤوف أنت بتخوفني منك أنا كنت تعبانة ومش عارفه مالي وأنت قسيت عليا حرام عليك.. أنا ماليش حد غيرك وأنت بتهددني تحبسني