ميساء هزت راسها ببطء وهي لسه مخبية وشها في صدر رؤوف وحاسة فعلا براحة الدكتور قام وفتح درج فيه أنواع شيكولاتة نادرة طلع واحدة وقدمها لميساء بابتسامة تشجيع: خدي دي.. دي علشان انتي شطورة ودي مكافأه لجلسة النهاردة.. إنتي النهاردة كسبتي جولة مهمة جدا ضد الماضي انتي بطلة ي ميساء
رؤوف رغم وجعه على ميساء بس الغيرة لدعت قلبه من اهتمام الدكتور ونظراته ليها.. أخد الشيكولاتة ببرود وحطها في جيبه وسند ميساء بحب:
يلا يا حبيبتي.. كفاية كدة النهاردة.. إنتي تعبتي أوي
ميساء بصتله بغيظ وهو ضحك هجبلك احسن منها ي اختي ولا اقولك خدي اهي وراح بيسها من جبنها وهي اتكسفت وخدها وخرجوا
********
زياد كان طالع السلم بينهج العكاز بيخبط على الأرض بانتظام كأنه بيعد دقات قلبه اللي كانت بتسابق الزمن عشان يلحق يصالح المجنونة وصل قدام الأوضة
خبط خبطتين: شروق.. يا بت افتحي.. والله بهزر معاكي إنتي عارفة إني مقدرش على زعلك
مسمعش رد فجرب يفتح المقبض لقى الباب موارب.. زق الباب ببطء ودخل وهو ساند على عكازه بس أول ما عينه جت على السرير وقف مكانه كأنه اتصعق بكهربا
شروق كانت مدية ضهرها للباب مش واخدة بالها خالص إن فيه حد دخل كانت قالعة بنطلونها وقاعدة بالاندر ورافعة طرف التيشيرت بـ إيد والإيد التانية ماسكة مراية صغيرة وبتحاول تبص ورا بتركيز عشان تشوف أثر خبطة العكاز