بسسسسسسسس!!!! كفااااية
الكل اتجمد مكانه البنت سابت شعر شروق وشروق وقفت بتنهج وشعرها منكوش وهدومها متبهدلة.
سراج نزل من على المنصة بخطوات مرعبة وقرب منهم بص لشروق وللبنتين ببرود يقتل:
إنتي.. وإنتي.. وإنتي.. بره
شروق شهقت بصدمة: سراج قصدي يا دكتور.. دول شتموا حنان وقالو….
سراج قاطعها بصوت حاد كالسكين: قلت بره المحاضرة دي للعلم مش لردح السجون.. اطلعي استني في العربية يا شروق وحسابك معايا في البيت
البنت اللي شدت شعرها بصت لسراج بدلع وهي بتعدل لبسها: يا دكتور دي هي اللي بدأت وا….
سراج بصلها بنظرة خلت ركبها تخبط في بعض: قلت اطلعي بره إنتي وصاحبتك وملفاتكم دلوقتي هتتحول للشؤون القانونية.. ممنوع أشوف وشكم في الكلية دي تاني
البنات لموا حاجتهم بغلّ وقبل ما البنت الكبيرة تخرج بصت لسراج وحنان بنظرة حقيرة وقالت بصوت مسموع: ماشي يا دكتور.. مبروك عليك (المستعملة)اللي بحلم وراها وورا فضايحها
الكلمة كانت كف كفيل إنه ينهي الصبر اللي سراج كان بيحاول يتمسك بيه عروق رقبته برزت وعينه اتحولت لدم
وحنان حست إن الأرض بتلف بيها وغطت وشها بإيدها وهي بتشهق من كتر الوجع النفسي.
شروق كانت خلاص خرجت والدموع في عينها بس لما سمعت الجملة دي رجعت خطوة وبصت للبنت من بعيد بقرف وقهر وسابتهم وطلعت تجري وهي بتعيط بانهيار.