********
سراج بدأ يشرح مادة الجراحة العامة وبالتحديد تشريح الأوعية الدموية العميقة صوته كان رخيم وواثق بيشرح بإنجليزية طلقة وبيرسم على السبورة بدقة جراح عالمي المحاضرة كانت تقيلة ومعقدة بس أسلوبه خلى الطلاب كلهم مشدودين.
حنان كانت قاعدة بتحاول تركز بس الهمس اللي وراها كان زي السم بنتين من الشلة البايظة
واحدة مالت على التانية وقالت بصوت واطي بس حنان سمعته بوضوح:
بقولك إيه.. سيبك من الشرح شوفي حركة إيده وهو بيمسك القلم.. ده إيده تتاكل أكل.. ولا اكيد لمسة أيده علي الجسم حاجه تانية …. ياه لو الواحد يطول يقضي معاه ليلة في مكتبه أنا مستعدة أبيع مستقبلي كله بس يلمسني ليلة واحدة
صاحبتها ضحكت بوقاحة وقالت : ليلة إيه يا بيئة.. ده باين عليه حمش أوي …ده اللي ينام معاه مبيقومش على رجله تاني.. بس شوفي الهبلة اللي قاعدة قدامنا فاكرة إنها لما تلبس أبيض وتعمل خضراء شريفة هننسى الفيديو.. دي تلاقيها ممرطة كرامته في الأرض وهي اللي بتتمحك فيه عشان يلم شرفها
حنان جسمها كله اترعش ودموعها نزلت غصب عنها وغرقت الكشكول كانت حاسة إنها عريانة قدام كلامهم المقرف ده
سراج كان مندمج في الشرح بس عينه كانت زي الصقر لمحت حنان وهي بتكتم شهقاتها ودموعها بتنزل على الكشكول.