واحد من الشلة بص لحنان بوقاحة وقال بصوت عالي: أوباااا.. القطة رجعت تاني والمرة دي جايبة معاها حتت قشطة لوز…. يا بختك يا دكترة هو اللي بياخد المحاضرة بياخد معاها (تصبيرة) ولا إيه
شلة البنات ضحكوا بصفار وواحدة منهم قالت بقرف: تصبيرة إيه يا بيومي.. دي اللي الفيديو بتاعها كان مكسر الدنيا الظاهر إنها غاوية (دكاترة) وبس والبنت اللي معاها دي شكلها لسه (نوفي) ومحتاجة حد يمرنها وانت فاهم بقي انت شاطر في كده
شروق دمها غلي وقفت فجأة وبصت للبنت اللي اتكلمت من فوق لتحت وقالت بصوت مسموع:
نوفي في عينك يا (جربة) شوفي الميكب اللي شبه ألوان النقاشة ده اللي في وشك .. وبعدين (تمرن مين) يا روح أمك… ده إنتي محتاجة (عمرة) وموتور جديد عشان حد يعبرك أصلا روحي الاهي عربيه تفرممك
الكل وقف مذهول وسراج كتم ضحكته بصعوبة وهو بيشد شروق من دراعها: قلت إيه يا لسانك متبري منك كان كلامي صح ….قدامي على المدرج
بيومي الواد الصايع قرب بوقاحة من سراج: على فين يا وحش ده إحنا لسه بنتعرف على (الحريم) بتوعك.. ما تسيب الحتة الأجنبية دي معانا شوية نـ….
قبل ما يكمل الكلمة سراج كان طار عليه ببوكس في فكه خلاه يلف حولين نفسه ويقع على السلم…سراج داس على إيده بجزمته وقال بفحيح مرعب: الكلمة الجاية هتبقى بـروحك يا ابن الـ***…..الكلب اللي نطق اسمهم النهاردة ملوش مكان غير تحت رجلي.. غووور من وشي يا ابن المرا الوسخة