باس راسها بعمق وطلع من جيبه مرهم صغير كان دايماً معاه وبدأ يدهن لها مكان الجرح بصوابعه الرقيقة وهو باصص لعينها بنظرة خلت دقات قلبها تعلن الاستسلام
حنان استسلمت لمساته الرقيقة وهي شايفة الندم في عينيه، سراج همس وهو بيقفل علبة المرهم: حقك عليا يا فتنني.. أوعدك هحاول أفرمل غضبي بس أنتي كمان ارحمي قلبي وشيلي البيجامات دي لحد ما تبقي في بيتي
حنان ابتسمت من وسط دموعها وقالت بدلع: يعني أفهم من كده إن الدكتور سراج ببيغير من خياله
سراج ضحك ورجعها لحضنه تاني: بغير …ده أنا ممكن أهد الدنيا لو لمحت بس نظرة إعجاب في عين حد ليكي.. نامي يا حنان وراكِ جامعة بكرة
******
الصبح طلع وزياد كان قاعد في الجنينة بيفطر وعينه على السلم مستني السرسجية الرقيقة تنزل.
شروق نزلت وهي لابسة دريس أبيض رقيق بس كانت ماشية ببطء وبتحاول تتجنب النظر لي زياد
زياد أول ما شافها، غص في الأكل وشرق شروق جريت عليه بخضة: زياد إنت كويس Drink water بسرعة
زياد شرب المية وبص لها بمكر وهو لسه بيكح: أنا كويس.. بس الظاهر إن (عريس ليلة الحنة) لسه متأثر باللي شافه امبارح
شروق وشها بقى أحمر دم وضړبته على كتفه: يووه يا زياد إنت مش هتنسى بطل بقي اووف
زياد شدها من إيدها قعدها جنبه وهمس: أنسى إيه ده أنا طبعت المشهد في الذاكرة.. بس قوليلي لسه المكان بيوجعك لو عاوزة أدهنلك المرهم أنا موجود