سراج بص للبنت اللي اتكلمت بنظرة خلت روحها تسحب منها وقال بفحيح هادي يرعب أكتر من الزعيق:
بره.. وقسماً بالله العظيم لو شفت وشك في حرم الجامعة دي تاني مش ملفك اللي هيتحول.. إنتي اللي هتتحولي لمستشفى المجانين تقضي بقية عمرك هناك غوووري
البنت جريت هي وصاحبتها بخوف وسراج لف وبص للمدرج اللي كان فيه همس وبدأ يختفي تحت نظراته القاتلة: المحاضرة انتهت….لو اتكرر اللي حصل ده المهارة على لسان أي حد فيكم.. يعتبر نفسه مرفود من الكلية.. اتفضلوا..
حنان قامت لميت حاجتها بسرعة وهي مش قادرة ترفع عينها في حد وخرجت تجري ورا شروق
شروق كانت ماشية بتعيط ومنهارة حاسة إن سراج ظلمها وكسر بخاطرها قدام الكل طلعت موبايلها وبإيد مرتعشة اتصلت على زياد
زياد في الوقت ده كان قاعد في مدرج هندسة لابس السماعات وبيسمع دكتور الرسم الهندسي بملل فجأة موبايله نور باسم شروق
زياد استغرب وفتح الخط: إيه يا سرسجية… لحقتي توحشيني..
شروق بصوت مخنوق ومنهار: زياد.. الحقني.. سراج طردني من المحاضرة وهزأني قدام الكل.. والبت جابتني من شعري وهو بصلهم وسكت.. أنا عاوزة أمشي يا زياد تعالي خدني انا غلطانة اني روحت
اول ما سمع صوت شهقات شروق وكلمة جابتني من شعري…. قام وقف فجأة لدرجة الكرسي اتقلب وراه.