البارت السابع عشر ازيكم يا حلووين يا رب تكونوا بخير وعافية زي ما وعدتكم، البارت ده طويل جدا ومليان أحداث هتشقلب كيان الأبطال وعوزاكم تشجعوني وتتفاعلوا لأن الجروب بيقع ومحتاجة دعمكم عشان أقدر أكمل .. الحماس بيكبر لما بلاقيكم مهتمين 
************************************
متنسوووش الفوت والكومنت
ماهيتاب كانت لسه واقفة مكانها بتبص لطيف حنان اللي اختفى ورا باب أوضتها وابتسامتها الماكرة وسعت نزلت السلم براحة ودخلت المطبخ لقت سراج لسه ساند راسه على التلاجة وصدره بيعلو ويهبط كأنه كان في معركة
ماهيتاب بصوت واطي ومشاكس: القهوة فارت يا دكتور سراج.. والظاهر في قلوب فارت معاها.
سراج اتعدل فجأة وحاول يرسم البرود على وشه وهو بيمسح وشه بإيده: كنت بشرب مية .. والظاهر القهوة نسيتها على النار
ماهيتاب قربت منه وطبطبت على كتفه:
المية مبيجيش وراها نهجان وهروب يا سراج.. اهدى على البنت حنان رقيقة ومتتحملش تهورك ده متبقاش غبي زي روؤف وهمجي
سراج غمض عينيه بقوة لما افتكر الجرح وحس بغصة ندم ممزوجة بتملك لسه قايد في قلبه:هي اللي استفزت رجولتي … مش ذنبي
ماهيتاب ضحكت وهي خارجة: ماشي يا بطل.. تصبح على خير.. وروح صالحها بكلمة حلوة قبل ما تنام الوجع لما بيبقى من الحبيب بيفضل مسمع كتير