ماهيتاب وقفت مكانها كأن صاعقة ضربتها عينيها برقت بصدمة ووقعت الشنطة من إيدها وقالت بذهول أنت بتقول إيه….سافروا إزاي.. إنت كداب.. رؤوف قالي السفر بليل .. إزاي يمشوا من غير ما أشوفها
سراج حاول يتكلم بس ماهيتاب انفجرت فيه وفي جابر اللي كان خارج من المكتب على صوتها
بدأت تصرخ بهستيريا :يا غشاش يا واطي يا رؤوف.. بتسرق بنتي مني ..تخطفها في السر كأنها جارية عندك انا غلطانه من الاول اني وفقت
جابر قرب منها يحاول يهديها بس هي زقته بقوة وهي بتعيط بحرقة وصراخها جايب آخر الفيلا : أنا غلطانة.. أنا اللي غلطانة إني وثقت في واحد بلطجي زيك يا جابر وزي ابنك الواطي ده.. أنا اللي غلطانة إني سلمت له بنتي وهي مكسورة علشان… يكمل كسرها بعيد عني .. الله ياخدكم كلكم.. بنتي ضاعت مني يا جابر.. حتي مهانش عليه يخليني اشوفها قبل ميسافروا
بدأت تكسر في التحف اللي قدامها وهي بتدعي على رؤوف ومنهارة تماما: أنا اللي سيبتهم يسافروا.. أنا اللي كنت فاكرة إنه هيراعي ربنا فيها.. طلع بيغدر بيا وبياخدها في السر علشان يستفرد بيها.. وحق دموعي دي يا رؤوف ما ههنيك عليها.. السفرية دي هتكون جحيم عليك زي ما خليت قلبي نار دلوقتي
شروق كانت واقفة على السلم ودموعها نازلة وهي شايفة مامتها بالحالة دي وزياد ساند على عكازه وباصص للأرض بجمود ماهيتاب بصت لزياد وقالت : إنت كمان كنت عارف يا زياد كلكم اتفقتوا عليا كلكم بعتوا ميساء لرؤوف روحوا منكم لله.. قلبي وربي غضبانين عليكم ليوم الدين