حنان انكمشت في نفسها من صوته وبدأت تعيط بشهقات متقطعة وهي بتحاول تجمع أنفاسها:
والله كدب يا سراج.. والله العظيم مظلومة.. حمزة ده بقاله فترة بيضايقني وأنا بصده بس النهاردة دخلت المحاضرة لقيت المدرج كله بيبصلي وببيضحك ….وفجأة الدكتور نادى عليا وهو ماسك موبايله.. كان فيه فيديو لواحدة شبهي.. شبهي بالظبط يا سراج.. في وضع وحش.. فيديو متفبرك
حمزة هو اللي عمل كدة علشان ينتقم مني
سراج جز على سنانه وصوت طرقعة فكه كان مسموع :
فيديو.. وشبهك… يبت الكلب ي وسخ
والدكتور البصمجية ده صدق ماشي انا هوريع
حنان كملت بانهيار ووشها غرقان دموع:
مسمعنيش يا سراج.. طردني قدام الكل وقالي أشكالك دي مكانها مش هنا….. قالي كلام يكسر الضهر والكل كان بيتفرج عليا ويشمت فيا.. أنا شرفي راح يا سراج.. الناس خلاص صدقت انا مستهلكش
سراج في اللحظة دي خبط إيده في التابلوه خلى الفايبر يتكسر ….وصرخ بفحيح مرعب:
شرف مين اللي راح يا بت الهبلة وأنا موجود …وحق اللي خلقني وخلقك… وحق كل دمعة حرقت خدك دي.. لكون مخلي الجامعة كلها بكرة تمشي توطي راسها قدامك والدكتور ده ابن المراااا…. الدكتور اللي مفكر نفسه راجل ده، هجيبهولك راكع تحت رجلك يطلب السماح وهو بيبكي زي النسوان